Madrid "Real"ının uelsli futbolçusu Qaret Beylin Çempionlar Liqasında bu gün "Yuventus"la keçiriləcək oyunda iştirak edib-etməyəcəyi müəyyənləşib. Apasport.az saytının məlumatına görə, "kral klubu"nun baş məşqçisi Karlo Ançelotti mətbuata açıqlamasında buna aydınlıq gətirib.
O bildirib ki, Beyl Turindəki qarşılaşmada meydana çıxacaq: "Qaret əla formadadır. Zədəsini tam sağaldıb, özünü hazır hiss edir. Əminliklə deyirəm ki, Beyl "Yuventus"la matçda oynayacaq. Onu bu cür görüşdə ehtiyatda oturtmaq fikrim yoxdur".
Qeyd edək ki, "Real"da Beyl tam sağalıb, sıraya dönsə də, Kərim Benzema və Luka Modriç zədədən əziyyət çəkirlər.
Milli.Az