Milli komandamızın baş məşqçisi bəlli oldu - YENİLƏNİB

13:29

Trend xəbər verir ki, jurnalistlərə açıqlama verən AFFA-nın İcraiiyyə Komitəsinin üzvü İsgəndər Cavadov deyib ki, R.Prosineçkinin qarşısına bu seçmə mərhələ üçün hansısa vəzifə qoyulmayıb. "Əsas məqsəd növbəti seçmə mərhələdə uğur qazanmaqdır".

İ.Cavadov müqaviləyə əsasən, R.Prosineçkinin Azərbaycanda bir ilinə 1 milyon 200 min avro qazanacağını da deyib. O qeyd edib ki, sabiq məşqçi Berti Foqtsdan fərqli olaraq, Prosineçki millimizdə işlədiyi müddətdə əsasən Azərbaycanda yaşayacaq.

Xorvatiya yığmasının sabiq üzvü R.Prosineçki Serbiyanın "Srvena Zvezda" klubunu çalışdırıb. Eləcə də Xorvatiya millisində Slaven Biliçin köməkçisi işləyib.

--------
13:04

Artıq İcraiyyə Komitəsi Robert Prosineçkini baş məşqçi postuna təsdiqləyib.  45 yaşlı xorvatiyalı mütəxəssis bu postda almaniyalı Berti Foqtsu əvəzləyib. O, artıq İcraiyyə Komitəsinin iclasına qatılıb.

Milli.Az apasport.az-a istinadən bildirir ki, Prosineçkinin 6 köməkçisi olacaq ki, onlardan üçü xorvatiyalı, üçü isə azərbaycanlı olacaq.

21 yaşadək futbolçulardan ibarət yığmamıza isə 10 məşqçi namizəddi. Hələlik onların adları açıqlanmır.

----------
11:55

Bu gün AFFA-nın İcraiyyə Komitəsinin növbəti iclası keçiriləcək.
 

Milli.Az qol.az-a istinadən xəbər verir ki, iclasın gündəliyində bir sıra məsələlər müzakirə olunacaq.

İclasın əsas mövzüsü milli komandaların baş məşqçilərinin təsdiqidir. Gündəlikdə həm əsas, həm də U-21 millilərin baş məşqçiləri rəsmiləşəcək. Əsas milliyə hazırda Bakıda olan xorvatiyalı Robert Prosineçkinin təyinatı gözlənilir.

Saat 11:00-da başlayan iclas AFFA-nın inzibatı binasında keçirilir.

Ümumilikdə isə gündəliyə 5 məsələ daxil edilib:

1. Məşqçilər Komitəsinin yaradılmasının, Əsasnaməsinin və üzvlərinin təsdiqi
2. Milli komandanın baş məşqçisinin təsdiqinin müzakirəsi
3. U-21 yığma komandasının baş məşqçisinin təsdiqinin müzakirəsi
4. Klublar Komitəsinin yaradılmasının və Əsasnaməsinin təsdiqi
5. Lisenziyalaşdırma qrupunun məlumatı
6. Digər məsələlər

Milli.Az