PUL
Futbol üzrə Azərbaycan yığmasının və "Bakı"nın qapıçısı Kamran Ağayevin azerisport.az saytına müsahibəsi
- Yığma üzvlərindən kimləri 2013-cü ilin ən yaxşısı hesab edirsiz?
- Rəşad Sadıqov, Mahir Şükürov, Rauf Əliyev, Vaqif Cavadov və Rahid Əmirquliyevi. Onların hamısı bu titula layiq idilər.
- Siz yenə də ilin ən yaxşı qapıçısı seçildiniz...
- Mənim üçün ən yaxşı qapıçının kim olmasının fərqi yoxdu.
- Prinsipcə, başqa alternativ də yoxdu. Siz, yığmanın 1 nömrəsi idiniz...
- Siz Anar Nəzirovu, Fərhad Vəliyevi, Səlahət Ağayevi nəzərə almırsız? Onlar da yaxşı qapıçıdılar. Onlar da mükafat qazana bilərdilər. Digər tərəfdən, şadam ki, mükafata məhz məni layiq görüblər.
- Bu, sizin neçənci titulunuzdu?
- Heç yadıma gəlmir. Ya dördüncü, ya da beşinci olmalıdı. Bu titulun mənə nəyə görə lazım olduğunu bilirsiz?
- Niyə?
- Futbolumuzda adı T hərfi ilə başlayan bir adam var. O, mənim altı ay futbolsuz qalmağıma səbəb oldu. Bu gün o da mərasimdə idi və gözlərimə baxıb təbrik etdi. Mən istədim ki, o, buna görə utansın.
- Zədədən sonra siz yenidən "Bakı"nın əsas heyətinə qayıtdınız...
- Düzünü desəm, hələ tam hazır deyiləm. Ayağımda ağrılar hiss edirəm. Növbəti ilə tam hazır olacağam.
- "Qəbələ" ilə qarşıdakı oyundan nə gözləyirsiz?
- Qəbələyə qələbə üçün gedəcəyik. Amma bizə heç kim qələbə zəmanəti verə bilməz. Uduza da bilərik.
Mİlli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
.jpg)
