İdman

"Qalatasaray"da gözlənilməz ayrılıq

14 Avqust 2026 09:35

Baxış: 391

VTB-də minimal faiz dərəcəsi ilə nağd kredit 9.9%-dən

#TRANSFERLƏR #QALATASARAY #FUTBOL

"Qalatasaray"ın aparıcı futbolçularından olan Lukas Torreyra komandanı tərk edə bilər.

Milli.Az Offsideplus.az-a istinadən bildirir ki, uruqvaylı yarımmüdafiəçi meneceri Pablo Bentankurdan onun Türkiyədən ayrılmasını təmin etməyi xahiş edib. Buna səbəb futbolçunun təhlükəsizliyi ilə bağlı yaranan ciddi problemdir.

Məlumata görə, bu ilin mayın 12-də İstanbuldakı ticarət mərkəzlərindən birində bir nəfər Torreyraya hücum edib və həmin şəxs daha sonra həbs olunub. Lakin bu həftənin çərşənbə günü azadlığa çıxan təcavüzkar futbolçunun sürücüsünə yaxınlaşaraq: "Yarımçıq qoyduğum işi tamamlamağa gəlmişəm", - deyə təhdid sovurub.

Hadisədən sonra Türkiyə polisi dərhal hərəkətə keçərək həmin şəxsin axtarışına başlayıb.

Qeyd edək ki, L. Torreyra 2022-ci ildən "Qalatasaray"da çıxış edir. O, ardıcıl qazanılan 4 çempionluqda vacib rol oynayıb.

Müəllif: Tural Hüseyn (Milli.Az redaktor)