İdman

Bacısından Ronaldo ilə bağlı diqqətçəkən açıqlama: "Onun son rəqsidir"

3 İyul 2026 11:19

Baxış: 576

VTB-də minimal faiz dərəcəsi ilə nağd kredit 9.9%-dən

#KRİŞTİANU RONALDU #PORTUGAL #FUTBOL #FİFA

Portuqaliya millisinin kapitanı Kriştiano Ronaldo ilə bağlı yeni iddia futbol ictimaiyyətində geniş müzakirələrə səbəb olub.

Milli.Az xarici mətbuata istinadən xəbər verir ki, futbolçunun bacısı Katia Aveiro bildirib ki, 2026-cı il dünya çempionatı ulduz hücumçunun milli komandadakı son turniri ola bilər.

O, Portuqaliyanın mundialdakı növbəti oyunu ərəfəsində jurnalistlərə açıqlamasında azarkeşləri bu anların dəyərini bilməyə çağıraraq, "Əldə etdiyim məlumata görə, bu, onun son rəqsidir" ifadəsini işlədib.

Bununla belə, Kriştiano Ronaldo milli komandadakı karyerasını başa vuracağı ilə bağlı yayılan iddiaları hələlik rəsmi şəkildə nə təsdiqləyib, nə də təkzib edib.

Təcrübəli futbolçunun gələcəyi ilə bağlı yekun qərarın dünya çempionatından sonra açıqlanacağı ehtimal edilir.

Müəllif: Tural Hüseyn (Milli.Az redaktor)