İdman

Dünya çempionuna 4 Avropa nəhəngi "elçi düşdü"

13 Mart 2026 10:10
Baxış: 1 049
VTB-də minimal faiz dərəcəsi ilə nağd kredit 9.9%-dən
#TRANSFERLƏR #MANÇESTER YUNAYTED #REAL MADRİD #TOTTENHAM HOTSPUR PLC #FUTBOL #ARSENAL

İngiltərənin "Tottenhem Hotspur" klubunun müdafiəçisi Kristian Romero yay transfer pəncərəsində komandasını dəyişə bilər.

Milli.Az-ın xarici mediaya istinadən verdiyi məlumata görə, argentinalı futbolçuya Avropanın bir neçə nəhəng klubu maraq göstərir. Onun xidmətində xüsusilə "Real Madrid", "Mançester Yunayted", "Arsenal" və "İnter" maraqlıdır.

Bildirilir ki, "Tottenhem"rəhbərliyi futbolçu ilə yeni müqavilə imzalasa da, komandanın Premier Liqadan düşməsi halında klubun maliyyə vəziyyəti zəifləyə bilər. Bu səbəbdən rəhbərlik uyğun təklif olacağı təqdirdə müdafiəçinin satışına razılıq verə bilər.

Mənbələrin məlumatına görə, həm "Mançester, həm də "Arsenal" 25 yaşlı futbolçunu müdafiə xəttini gücləndirəcək və komandada liderlik edə biləcək oyunçu kimi görür.

Eyni zamanda "İnter" də vəziyyəti diqqətlə izləyir. Lakin İtaliya klubunun əsas narahatlığı "Real Madrid"in də transfer uğrunda mübarizəyə qoşulmasıdır. Bu səbəbdən milanlıların futbolçu ilə danışıqlara başlamaqda tərəddüd etdiyi qeyd olunur.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.