İdman

Koutinyo Rusiyaya transfer olunur

26 Fevral 2026 13:00
Baxış: 1 857
VTB-də minimal faiz dərəcəsi ilə nağd kredit 9.9%-dən
#RUSSİA #TRANSFERLƏR #FUTBOL

Dünya futbolunun tanınmış simalarından olan braziliyalı yarımmüdafiəçi Filippe Koutinyo karyerasını Rusiyada davam etdirə bilər.

Milli.Az xarici mətbuata istinadən xəbər verir ki, təcrübəli futbolçuya Moskva təmsilçisindən rəsmi maraq olduğu bildirilir.

Məlumata görə, "ÇSKA" Moskva klubu sabiq "Barselona", "Liverpul" və "Bavariya" oyunçusunu azad agent statusunda heyətinə qatmaq niyyətindədir.

Bildirilir ki, futbolçunun son komandası olan Vasko da Qama ilə müqaviləsi onun şəxsi qərarı əsasında vaxtından əvvəl ləğv olunub. Buna Braziliya çempionatında keçirilən son oyunda azarkeşlərin narazılığı və Koutinyonun əvəzləndikdən sonra ehtiyat oyunçular skamyasına qayıtmaması səbəb göstərilir.

32 yaşlı yarımmüdafiəçi karyerası ərzində UEFA Çempionlar Liqası və Kopa Amerika daxil olmaqla bir sıra nüfuzlu titullar qazanıb. Braziliya millisinin formasında 68 oyuna çıxan futbolçu bu görüşlərdə 21 qol müəllifi olub. Rusiyaya mümkün transferin yaxın vaxtlarda rəsmiləşə biləcəyi qeyd olunur.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.