İdman

“Yetərli səviyyədə deyil” - Ardanı QINADI

9 Fevral 2026 16:30

Baxış: 2 920

VTB-də minimal faiz dərəcəsi ilə nağd kredit 9.9%-dən

#REAL MADRİD #FUTBOL #PRİMERA #REAL #ARDA GULER

İspaniyanın "Carrusel Deportivo" nəşrinin futbol eksperti Rafa Alkorta "Real Madrid"in türkiyəli futbolçusu Arda Gülərlə bağlı sərt açıqlamalar verib.

Milli.Az-ın Türkiyə mediasına istinadən məlumatına görə, mütəxəssis gənc yarımmüdafiəçinin oyunun tempinə lazımi səviyyədə təsir göstərə bilmədiyini bildirib. Alkorta vurğulayıb ki, Arda Gülərin hazırkı performansı Madrid klubunun əsas heyəti üçün kifayət etmir:

"Bura Türkiyə çempionatı deyil. 'Real Madrid'in tələbləri tamamilə fərqlidir. Fiziki mübarizələrdə zəifdir və bu mərhələdə əsas heyət səviyyəsində görünmür", - deyə ekspert qeyd edib.

Bununla yanaşı, Rafa Alkorta Arda Gülərin istedadını inkar etməyib. Onun sözlərinə görə, gənc futbolçunun bu səviyyəyə tam uyğunlaşması üçün zamana ehtiyacı var.

Qeyd edək ki, Arda Gülər cari mövsümdə "Real Madrid"in heyətində 35 oyunda forma geyinib, 3 qol vurub və 12 məhsuldar ötürmə ilə yadda qalıb.

Hüseyn
Milli.Az