İdman

Luis Enrike "Qarabağ"la oynamaq istəyir

29 Yanvar 2026 15:58
Baxış: 1 452
VTB-də minimal faiz dərəcəsi ilə nağd kredit 9.9%-dən
#ÇEMPİONLAR LİQASI #QARABAĞ #FUTBOL #PSJ

PSJ-nin baş məşqçisi Luis Enrike UEFA Çempionlar Liqasının pley-off mərhələsi ilə bağlı fikirlərini bölüşüb.

Milli.Az-ın məlumatına görə, ispaniyalı mütəxəssis klubun rəsmi saytına açıqlamasında mümkün rəqiblər arasında "Qarabağ"la qarşılaşmağa üstünlük verdiyini deyib.

Təcrübəli çalışdırıcı pley-offa yüksəlməyin asan olmadığını vurğulayıb:

"Bu mərhələyə vəsiqə qazanmağın nə qədər çətin olduğunu yaxşı bilirik. Həm 'Monako', həm də 'Qarabağ'la oynamağa hazırıq. Ancaq istərdim ki, püşkatmada Fransa komandası düşməsin. Fransız klubları ilə tez-tez qarşılaşırıq və bundan bir qədər yorulmuşuq. Başqa ölkəyə səfər edib 'Qarabağ'la oynamaq daha maraqlı olardı. Çətin səfərlərə öyrəşmişik".

Qeyd edək ki, Çempionlar Liqasının Liqa mərhələsini 10 xalla 22-ci pillədə başa vuran "Qarabağ" pley-offda "Nyukasl Yunayted" və ya PSJ ilə üz-üzə gələ bilər. Bu mərhələnin püşkü yanvarın 30-da atılacaq.

Hüseyn
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.