İdman

Fatih Terimdən böyük sürpriz: İspaniya nəhəngi ilə görüşdü

15 Yanvar 2026 19:41

Baxış: 420

VTB-də minimal faiz dərəcəsi ilə nağd kredit 10.49%-dən

#FUTBOL

Türkiyəli təcrübəli mütəxəssis Fatih Terimlə bağlı gözlənilməz iddia ortaya atılıb. İspaniya "La Liga"sında çətin günlər keçirən "Valensiya"nın 72 yaşlı türkiyəli məşqçi ilə maraqlandığı və onu komandanın başına gətirmək istədiyi bildirilir.

Milli.Az xəbər verir ki, 3 dəfə UEFA Kubokunu, 2 dəfə isə UEFA Superkubokunu qazanan "Valensiya" hazırda böhran içindədir. Çempionatda keçirdiyi 19 oyundan sonra cəmi 17 xal toplayan klub aşağı dəstəyə düşmək təhlükəsi ilə üz-üzədir. Hazırkı məşqçi Karlos Korberan ilə yollarını ayırmağı planlayan klub rəhbərliyi çıxış yolunu Fatih Terimdə görür.

İspaniya mətbuatının verdiyi məlumata görə, "Valensiya" rəhbərliyi yeni baş məşqçi axtarışları çərçivəsində Fatih Terimlə ilk təması qurub. Görüş zamanı klubun gələcək planları təcrübəli mütəxəssisə çatdırılıb. Bildirilir ki, "İmperator" ləqəbli məşqçi hələlik müsbət və ya mənfi cavab verməyib. Tərəflərin yaxın günlərdə ikinci dəfə bir araya gələcəyi gözlənilir.

Fatih Terim sonuncu dəfə Səudiyyə Ərəbistanının "Al-Shabab" klubunu çalışdırıb. O, bu komandanın başında çıxdığı 23 oyunda 12 qələbə, 4 heç-heçə və 7 məğlubiyyət əldə edib.

Fatih Terimin karyerası boyu çalışdırdığı komandalar:
Qalatasaray (4 müxtəlif dövrdə)

Türkiyə Milli Komandası

Fiorentina (İtaliya)

Milan (İtaliya)

Panatinaikos (Yunanıstan)

Al-Shabab (Səudiyyə Ərəbistanı)

Lalə Qüdrətova
Milli.Az