İdman

100 qol da vursam, “Qızıl top” ala bilmərəm - Keyn

16 Noyabr 2025 18:38
Baxış: 826
VTB-də minimal faiz dərəcəsi ilə nağd kredit 9.9%-dən
#FUTBOL

Bu mövsüm 100 qol vura bilərəm, amma əgər Çempionlar Liqasını və ya dünya çempionatını qazanmasam, yəqin ki, "Qızıl top"u ala bilməyəcəyəm.

Milli.Az Teleqraf-a istinadla xəbər verir ki, bunu "Bavariya"nın və İngiltərə millisinin hücumçusu Harri Keyn deyib.

"Eyni şey Haaland üçün də keçərlidir, eləcə də digər futbolçular üçün. Əsas titulları qazanmaq lazımdır. Çempionlar Liqasının favoritlərindən biriyik. Buna görə, bəlkə də bu, şanslarımı bir qədər artırır. İngiltərə yığması ilə də eynidir. Düşünürəm ki, turnirə favoritlərdən biri kimi gedəcəyik. Özümü yaxşı hiss edirəm. Bu fasilə bizə faydalı olacaq. Amma əgər uğur gətirsə və həm klubda, həm də yığmada işlər qaydasında olsa, onda mən mütləq "Qızıl top" kimi bir mükafat üçün müzakirə olunan namizədlərdən biri olacağam", - Keyn qeyd edib.

Qeyd edək ki, cari mövsüm Keyn klubun heyətində bütün turnirlərdə 17 oyun keçirib, 23 qol vurub və üç məhsuldar ötürmə edib. İngiltərə millisində isə o, DÇ-2026-nın seçmə mərhələsində yeddi matçda altı qol vurub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.