İdman

"Formula-1" ona 50 milyon dollar qazandırdı

2 Oktyabr 2025 14:41
Baxış: 1 479
VTB-də minimal faiz dərəcəsi ilə nağd kredit 9.9%-dən
#FORMULA 1 #F1

"McLaren Racing Limited"in baş icraçı direktoru Zek Braun "Formula-1" üzrə dünya çempionatında komandasının Mühəndislər Kubokunu qazanması nəticəsində 2024-cü ildə 37,3 milyon funt sterlinq (təxminən 50 milyon dollar) gəlir əldə edib.

Milli.Az xarici mətbuata istinadən xəbər verir ki, ötən il bu göstərici 26,4 milyon funt sterlinq olub.

Qeyd edək ki, "McLaren F1 Team" 1998-ci ildən sonra ilk dəfə ötən mövsümdə Mühəndislər Kubokunun qalibi olub. Komanda hazırda da çempionata liderlik edir və vaxtından əvvəl qələbəni təmin etmək imkanına sahibdir. Pilotlar arasında şəxsi mübarizədə isə "McLaren"in sürücüləri Oskar Piastri və Lando Norris ilk iki yeri bölüşürlər.

Şirkətin maliyyə hesabatına əsasən, "McLaren Group"un 2024-cü ildə ümumi gəliri 23 faiz artaraq 530,3 milyon funt sterlinqə çatıb. Vergidən əvvəlki mənfəət isə üç dəfə artaraq 37,5 milyon funt sterlinq təşkil edib.

Bundan başqa, avqust ayında Bəhreynin "Mumtalakat" suveren fondu və BƏƏ-nin "CYVN Holdings" investisiya fondu "McLaren Racing"in minoritar səhmdarlarına məxsus 30 faiz payı əldə etməklə komanda üzərində tam nəzarət qazanıblar. Sövdələşmə zamanı komandanın ümumi dəyəri 3 milyard funt sterlinqdən yüksək qiymətləndirilib.

Tural
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.