İdman

Mərakeş DÇ-2026-nın final mərhələsinə yüksəldi

7 Sentyabr 2025 11:20
Baxış: 765
VTB-də minimal faiz dərəcəsi ilə nağd kredit 9.9%-dən
#İDMAN

Mərakeş milli komandası Dünya Çempionatı 2026-nın seçmə mərhələsində Nigerə qarşı 5:0 hesabı ilə qələbə qazanaraq, final mərhələsinə vəsiqəni təmin edib.

Milli.Az xarici mətbuata istinadən xəbər verir ki, Valid Reqraqinin rəhbərlik etdiyi komanda E qrupunda 6 oyundan sonra 18 xalla liderliyi qoruyur. İkinci yerdə olan Tanzaniya isə 10 xal toplayıb.

Mərakeş bu nəticə ilə 2026-cı il dünya çempionatına vəsiqə qazanan ilk Afrika komandası oldu. Bu, onların ardıcıl üçüncü mundial iştirakıdır. 2030-cu il dünya çempionatında isə Mərakeş ev sahiblərindən biri kimi çıxış edəcək.

Qeyd edək ki, ABŞ, Kanada və Meksika 2026-cı il Dünya Kubokunun ev sahibləri olaraq avtomatik final mərhələsinə vəsiqə qazanıblar. Yaponiya, İran, Cənubi Koreya, İordaniya, Avstraliya, Özbəkistan, Yeni Zelandiya, Argentina, Ekvador, Braziliya, Kolumbiya, Uruqvay və Paraqvay da turnirdə iştirak hüququ əldə etmiş komandalar sırasındadır.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.