İdman

"Liverpul" "Arsenal"dan üstün oldu

1 Sentyabr 2025 09:38

Baxış: 1 060

VTB-də minimal faiz dərəcəsi ilə nağd kredit 9.9%-dən

#FUTBOL #PREMYER LİQA #ARSENAL #LİVERPUL

"Liverpul" İngiltərə Premyer Liqasının 3-cü turunda doğma meydanda "Arsenal" üzərində qələbə qazanıb.

Milli.Az xəbər verir ki, "Enfild"də keçirilən qarşılaşma meydan sahiblərinin 1:0 hesablı qələbəsi ilə başa çatıb.

Oyunun taleyini 83-cü dəqiqədə Dominik Soboşlay həll edib. Macarıstanlı yarımmüdafiəçi qapını birbaşa cərimə zərbəsindən dəqiq nişan alaraq komandasına vacib üç xal qazandırıb.

Qeyd edək ki, "Arsenal" artıq 13 ildir Premyer Liqada "Enfild"də "Liverpul"u məğlub edə bilmir. London təmsilçisi sonuncu dəfə 2012-ci ilin sentyabrında səfərdə 2:1 hesabı ilə qalib gəlib. Yalnız 2020-ci ildə Liqa Kubokunun 1/8 finalında "topçular" penaltilər seriyasında "Liverpul"u məğlub etməyə nail olublar.

Hazırda "Liverpul" 9 xalla turnir cədvəlinə başçılıq edir və mövsümün ilk üç oyununda qələbə qazanan yeganə komanda olub. "Arsenal" isə 6 xalla 3-cü pillədə qərarlaşıb.

Növbəti turda "Liverpul" sentyabrın 14-də səfərdə "Bernli" ilə qarşılaşacaq, "Arsenal" isə bir gün öncə "Nottingem Forest"i qəbul edəcək.

Hüseyn
Milli.Az