İdman

Xabi Alonso Ardadan DANIŞDI: "O, inanılmaz dərəcədə..."

22 Avqust 2025 13:39

Baxış: 3 077

VTB-də minimal faiz dərəcəsi ilə nağd kredit 9.9%-dən

#REAL MADRİD #FUTBOL #PRİMERA #REAL

"Real Madrid"in baş məşqçisi Xabi Alonso La Liqanın birinci turunda "Osasuna"ya qarşı keçirilən matçda Arda Gülərin performansına münasibət bildirib.

Milli.Az AS nəşrinə istinadən xəbər verir ki, mütəxəssis gənc türk futbolçunun oyunundan razı qaldığını açıqlayıb. Madriddə baş tutan görüş isə "Los Blankos"un 1:0 hesablı qələbəsi ilə yekunlaşmışdı.

"Komandaya qoşulduğu gündən bəri Arda inanılmaz dərəcədə irəliləyiş göstərib. Bu, yalnız oyun texnikası baxımından deyil, həm də mövqe seçimi və topla davranışında özünü göstərir", - deyə Alonso bildirib.

O, əlavə edib ki, Gülər xüsusən də ilk hissədə parlaq təsir bağışlayıb və oyunun ən kritik anlarında düzgün qərarlar qəbul edib.

Xatırladaq ki, ötən mövsüm Arda Gülər "Real Madrid"in heyətində 44 qarşılaşmada iştirak edib, 5 qol vurub və 9 assistlə yadda qalıb. Onun klubla müqaviləsi 2029-cu ilə qədər qüvvədədir, bazar dəyəri isə hazırda 45 milyon avro qiymətləndirilir.

Hüseyn
Milli.Az