İdman

Mourinyodan Perezə zəng: “Onu mənə ver”

31 İyul 2025 23:25
Baxış: 4 420
VTB-də minimal faiz dərəcəsi ilə nağd kredit 9.9%-dən
#FUTBOL

Real Madrid-də yüksək maaş almasına baxmayaraq sabit oyun göstərə bilməyən David Alaba, Jose Mourinyonun maraq dairəsinə düşüb. Mourinyo, keçmiş klubu olan Real Madrid-in prezidenti Florentino Perez ilə birbaşa əlaqə saxlayaraq Alabanın transfer şərtlərini sorğulayıb.

2021-ci ildə Bayern Münich-dən Real Madrid-ə azad agent kimi keçən David Alaba, keçirdiyi zədələr səbəbilə gözlənilən sabitliyi qazana bilməyib. Komandanın ən çox qazanan oyunçularından biri olan 33 yaşlı müdafiəçi, bu yay transfer dönəmində Fənərbaxçanın da maraq dairəsinə daxil olub.

İspaniya mediasının xəbərinə görə, Mourinyo Avstriyalı futbolçuya Fənərbaxçada əsas heyətdə oynama zəmanəti vermək istəyir.

Xəbərdə qeyd olunub ki, Jose Mourinyo, Real Madrid-dəki dövründən tanıdığı Perezə zəng edərək Alaba transferinə yaşıl işıq yandırıb. Mourinyonun komanda planlamasında Alaba üçün xüsusi rol nəzərdə tutduğu və bu layihəni birbaşa prezidentə çatdırdığı bildirilib.

Lakin bu addımın qarşısında əvvəlcə ciddi bir maneə var: Real Madrid ilə müqaviləsi hələ 1 il daha davam edən təcrübəli futbolçu, klubda qalmağa və İspaniyada yaşamağa müsbət yanaşır. Alaba, Madrid layihəsinə hələ də inandığını bildirərək, ayrılığa isə məsafəli yanaşır.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.