İdman

Çalhanoğlu üçün kabus kimi gecə: ömür boyu UNUTMAYACAQ

19 May 2025 17:18

Baxış: 5 157

VTB-də minimal faiz dərəcəsi ilə nağd kredit 9.9%-dən

#İNTER #FUTBOL #SERİYA A #NAPOLİ

İtaliya Seriya A-nın 37-ci həftəsində böyük bir həyəcan yaşanıb.

Milli.Az Türkiyə mətbuatına istinadən xəbər verir ki, son həftəyə girərkən liderlik şansı qazanan Hakan Çalhanoğlunun formasını geyindiyi "İnter" "Latsio" ilə matçda böyük şok yaşayıb.

Çempionluq mübarizəsi aparan "Napoli" və "İnter"in qarşılaşmaları eyni saatda başlayıb və hər iki komanda da meydanı bərabərliklə tərk edib.

"Napoli" "Parma"da 0-0 hesabı ilə bərabərə qalıb, "İnter"in xal itirməsi ilə Neapol təmsilçisi çempionluğunu elan etmək fürsətini əldən verib.

Digər tərəfdən, Hakan Çalhanoğlunun asist etdiyi oyunda "İnter" "Latsio" ilə 2-2 bərabərə qaldı və son həftəyə girərkən liderlik şansını əldən buraxıb.

"Latsio"ya 90-cı dəqiqədəki penalti ilə 2-2-lik bərabərlik gətirən qolu Pedro vurub. Bu qol sonrası "İnter"in ulduz futbolçuları böyük bir sarsıntı yaşayıb və özlərini yerə buraxıblar.

Qeyd edək ki, liqanın sonuncu və növbəti həftəsində "İnter" "Komo"ya səfər edəcək. "Napoli" isə evdə "Kalyari" ilə qarşılaşacaq. "Napoli" "İnter"dən 1 xal öndə yer alaraq liderlik mövqeyini qoruyur.