İdman

Mourinyodan çempion olan "Qalatasaray"a sərt sözlər

19 May 2025 13:30
Baxış: 3 709
VTB-də minimal faiz dərəcəsi ilə nağd kredit 9.9%-dən
#MARAQLI #İDMAN #TÜRKİYƏ #FUTBOL

Xəbər verdiyimiz kimi, Türkiyə Super Liqasında mövsüm başa çatıb. "Fənərbağça" isə çempionluğu əzəli rəqibi "Qalatasaray"a uduzub.

Milli.Az xəbər verir ki, matçdan sonra keçirilən mətbuat konfransında "Fənərbağça"nın baş məşqçisi Joze Mourinyo qalib tərəfə tikanlı göndərmələrlə dolu açıqlamalar verib.

Portuqaliyalı mütəxəssis "Eyüpspor"a qarşı qazandıqları 2:1 hesablı qələbədən sonra Qalatasarayın "Kayserispor"la oyunundakı penalti epizoduna toxunaraq deyib:

"Hesab 2-0 olarkən qapıçıya penalti zərbəsi vurmaq, çempionluğu necə qeyd etdiklərini göstərdi. Bu, onların insani ölçülərini nümayiş etdirən bir görüntü idi".

Mourinyo həmçinin Türkiyə çempionatı haqqında geniş rəy bildirib:

"Türkiyə Liqasının necə bir çempionat olduğunu bütün dünyaya göstərdim. İndi hamı bu liqanın nə qədər güclü və çətin olduğunu bilir. Meydançaya baxsaq, ikinci matçda heç nə itirməməliydik. Bu liqanı iki ayrı liqa kimi də düşünmək olar. Bu vəziyyətdən razı deyiləm".

Mövsümöncəsi hazırlıqlardan da danışan təcrübəli çalışdırıcı, artıq yoldaşlıq görüşlərinin və düşərgənin planlaşdırıldığını bildirib:

"Mən daha yaxşısını edə bilərəm, oyunçularım da. Amma bunun uğurlu mövsüm üçün kifayət olub-olmayacağını bilmirəm. Bu bizim daxili işimizdir. Çempionlar Liqasının seçmə mərhələsinə 5 gün qalmış son yoxlama oyununu keçirəcəyik".

Joze Mourinyo, həm meydandakı, həm də meydan kənarındakı hadisələrə diqqət yetirdiyini vurğulayaraq, çempionluğu itirsələr də komandasını gələcək üçün motivasiya etməyə çalışıb.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.