Hiyləgər plan uğursuz oldu: Yamalın keçmiş sevgilisi "əlidən də oldu, vəlidən də" - FOTOlar

"Barselona"nın və İspaniya millisinin 17 yaşlı ulduz futbolçusu Lamin Yamal yalnız meydandakı çıxışları ilə deyil, şəxsi həyatı ilə də gündəmə gəlib. Bu dəfə diqqət mərkəzinə onun bloqer sevgilisi Aleks Padilla ilə münasibətləri düşüb. Məşhurluğundan istifadə etmək istəyən Padillanın planı isə tam fiasko ilə nəticələnib.

Milli.Az "Pulse Sports Nigeria"ya istinadən Yamalın başına gələn bir sıra hadisələri futbol həvəskarlarının diqqətinə çatdırır. 

Hər şey necə başladı?

Yamalın ulduzu AVRO-2024 turnirində parladı - o, turnirdə qol vuran ən gənc futbolçu kimi tarixə düşdü. İspaniyanın çempionluğu sonrası Lamin Yamal Padilla ilə birlikdə ictimaiyyət qarşısına çıxdı. Padilla milli komandanın formasında, Yamalın adı yazılmış köynəklə onunla podiumda poz verdi. Bu anlar sosial şəbəkələrdə sürətlə yayıldı və münasibətləri təsdiqləndi.

Ayrılığın səbəbləri

Lakin romantika uzun sürmədi. Cütlüyün Yunanıstana birgə səfərindən sonra yayımlanan bir videoda Padillanın canlı yayım zamanı başqa bir oğlanın dizində oturduğu görünür. Bu görüntü sosial şəbəkələrdə böyük tənqidə səbəb oldu və xəyanət iddialarını gündəmə gətirdi. Padilla sonradan "stulda oturduğunu" desə də, ictimaiyyət artıq buna məhəl qoymadı.

İspan mətbuatı məsələyə daha da aydınlıq gətirdi: iddialara görə, Padilla Yamalın bütün gəlir və əmlakının anasının adına qeydiyyatda olmasından narazı imiş. Yamal isə buna cavab olaraq "bu ailə qərarıdır və dəyişməyəcək" deyə bildirib.

İddiaya görə, Padilla ayrılıqdan sonra əsəbi mesajlar göndərib, sosial şəbəkələrdəki bütün şəkilləri silən Yamal isə hətta nömrəsini də dəyişmək məcburiyyətində qalıb.

Padilla üçün nəticələr

Ayrılıqdan sonra Padilla ictimai marağı üzərində saxlamaq üçün özünü "aldadılmış sevgili" kimi təqdim etməyə çalışdı. Amma Yamal olmadan maraq getdikcə azaldı. Bəzi İspan jurnalistləri bildirirlər ki, Padilla hazırda reytinqi aşağı olan TV proqramlara düşmək üçün uğursuz cəhdlər edir və hələ də Yamalın adını postlarında istifadə etməkdən çəkinmir.

Yamal üçün isə hər şey daha da yaxşılaşdı

Qalmaqaldan sonra Yamal bütün diqqətini karyerasına yönəldib. "Barselona" rəhbərliyi onun gənc yaşına baxmayaraq yüksək psixoloji dayanıqlılığa və yetkin davranışa sahib olduğunu vurğulayır. Cəmi 17 yaşında olmasına baxmayaraq, o artıq komandanın əsas oyunçularından biri kimi çıxış edir və zəhərli münasibətlərdən vaxtında uzaqlaşmağın bariz nümunəsinə çevrilib.

Qeyd edək ki, Lamin Yamalın şəxsi həyatı ilə bağlı xəbərlər zaman-zaman sosial mediada böyük marağa səbəb olur. Lakin unutmamalıyıq ki, gənc idmançı öz karyerasına və gələcəyinə daha çox diqqət yetirir. O, həm şəxsi həyatda, həm də peşəkar idmanda ən yaxşısını verməkdə davam edir.

Kənan
Milli.Az