İdman

“Hakim deyir ki, sürüşdü, bunu qəbul etmirəm” - Elmar Baxşıyev

23 Aprel 2025 21:12
Baxış: 843
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU

"Araz-Naxçıvan" Azərbaycan Kuboku yarımfinal mərhələsinin cavab görüşü çərçivəsində səfərdə "Qarabağ"a 0:3 hesabı ilə məğlub olaraq turnirdə mübarizəni dayandırıb.

Milli.Az xəbər verir ki, Naxçıvan təmsilçisinin baş məşqçisi Elmar Baxşıyev matçdan sonra keçirilən mətbuat konfransında jurnalistlərin suallarını cavablandırıb:

"Bizim üçün ağır oyun alındı. Bizi nəyin gözlədiyini bildirdik. İki fərqli hissə oynadıq. İlk yarıda komanda şəklində oyunumuz alındı. İkinci hissədə "Qarabağ" üstünlüyü ələ aldı. Rəqibi təbrik edirəm. Çempionatdakı son matçlara köklənəcəyik".

- Sanki daha tez müdafiəyə çəkildiz. Buna sizi "Qarabağ" məcbur edirdi?

- Komandamın daha çox hücumda olmasını istəyirəm. "Qarabağ"ı da vurğulamaq lazımdır. Səviyyə baxımından bizdən üstündürlər. Oturuşmuş heyəti və stabilliyi var. Bu tip matçların taleyini xırda nüanslar həll edir. Oyunu çevirə bilərdik. Bilirəm heç kim o epizodu görməyəcək. 25-ci dəqiqədəki epizod oyunun dəyişmə anı ola bilərdi. Nəsə hakim fərqli qərar verdi. Bizim baxdığımız epizod təmiz penaltidir. İkinci epizodu deyim. Hücuma çıxırıq, hücumumuzu saxlayıb bizim qapıya tərəf cərimə zərbəsi verir. Sonra deyir ki, səhv etdim. Ümid edirəm ki, "Araz-Naxçıvan"a qarşı bu səhvlər davamlı olmayacaq. İkili standart hiss olunur. Mənim komandama qarşı antipatiya var. Ümid edirəm ki, bizə qarşı da obyektiv olarlar.

- İkili standartın səbəbini nədə görürsünüz?

- Onu düşünsəm, işdən uzaq qalaram. Rahat şəkildə futbolçularımıza 4-cü sarı vərəqəni verib cəzalı duruma salırlar.

- Antipatiya Elmar Baxşıyevə qarşıdır, yoxsa "Araz-Naxçıvan"a qarşı?

- Məşqçi ilə mübarizə aparırlarsa, ayıbdır. Hücuma çıxan komandanın topuna rəqib əllə toxunur, hakim deyir ki, sürüşdü. Mən bunu qəbul etmirəm.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.