İdman

Osimhen İngiltərə klubuna transfer olunur

7 Aprel 2025 21:42
Baxış: 3 229
VTB-də minimal faiz dərəcəsi ilə nağd kredit 9.9%-dən
#QALATASARAY

Yay transfer dövründə İtaliya A Seriyası klubu Napolidən Qalatasaraya icarəyə verilən Victor Osimhen, komanda ilə göstərdiyi performansla az müddətdə azarkeşlərin sevimlisinə çevrilib.

Victor Osimhen bu mövsüm Qalatasaray forması ilə bütün turnirlərdə 32 oyuna çıxıb. Bu qarşılaşmalarda 28 qol vurub, 5 məhsuldar ötürmə verərək ümumilikdə 33 qola birbaşa töhfə verib.

Transfermarkt məlumatlarına görə Osimhenin hazırkı bazar dəyəri 70 milyon avrodur. Amma futbolçunun müqaviləsində yer alan azad qalma maddəsində bu rəqəm 75 milyon avro kimi qeyd olunub.

Digər tərəfdən, İngiltərə mətbuatından teamTALK, Qalatasarayda icarə əsasında çıxış edən Victor Osimhenlə bağlı səs-küylü bir iddia ortaya atıb.

"Manchester United, bu yay Victor Osimhenlə müqavilə imzalamaq niyyətini açıq şəkildə ortaya qoyub." - deyə xəbərdə yazılıb.

Sky Deutschlandın etibarlı müxbiri Florian Plettenberg bildirib ki, Mançester Yunayted dörd hücumçudan ibarət qısa siyahı hazırlayıb. Osimhen, Hugo Ekitike, Benjamin Sesko və Viktor Gyokeres kimi adlarla birlikdə dəyərləndirilir.

Mançester Yunayted, Osimheni heyətinə qatmaq üçün hərəkətə keçib və Türkiyədə 26 yaşlı futbolçu üçün "rəsmi təklif" olaraq xarakterizə olunan bir prosesə başlayıb.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.