İdman

Messinin "Barselona"da oynayacağı tarix məlum oldu

25 Mart 2025 15:54

Baxış: 3 196

VTB-də minimal faiz dərəcəsi ilə nağd kredit 9.9%-dən

#BARSELONA #LİONEL MESSİ #FUTBOL

Futbol tarixinin ən möhtəşəm oyunçularından biri Lionel Messinin "Barselona"da oynayacağı tarix məlum olub.

Milli.Az xəbər verir ki, Kataloniya klubunun rəhbərliyi 37 yaşlı hücumçu ilə 2026-cı ilin yayında keçiriləcək dünya çempionatından sonra müqavilə bağlamaq niyyətindədir.

Məhz həmin vaxt "Barselona"nın ev oyunlarını keçirdiyi "Kamp Nou"nun yenidənqurmadan sonra təntənəli açılış mərasimi gözlənilir. Rəhbərlik azarkeşlər üçün ikiqat bayram təşkil etmək istəyir. Həm tarixi stadionun yeni görkəmdə rəsmi açılışı, həm də ulduz futbolçunun təqdimat mərasiminin eyni gündə gerçəkləşməsi planlaşdırılır.

Messi peşəkar futbolçu karyerasını qəlbən bağlı olduğu "Barselona"da bitirməyi arzulayır.

Hazırda "Barselona" müvəqqəti olaraq, "Olimpik Lyuis Kompanis" stadionunda oynayır. Komandanın "Kamp Nou"da cari mövsümün sonlarından etibarən çıxış etmək ehtimalı var. Lakin həmin vaxt stadion 60 mindən çox azarkeş qəbul edə bilməyəcək. Yenidənqurma işləri 2025/26 mövsümünün axırlarında tam yekunlaşacaq.

Xatırladaq ki, Messi 2003-2021-ci illə r aralığında "Barselona"nın formasını geyinib, 6 dəfə "Qızıl top" qazanıb, 4 dəfə Çempionlar Liqasının qalibi olub. Dörd il öncə İspaniyadan köçən futbolçu öncə Fransanın PSJ, daha sonra isə ABŞ-ın "İnter Mayami" klubuna keçib. /Offsideplus.az

Milli.Az

Milli.Az - Xəbər Portalı

Messinin "Barselona"da oynayacağı tarix məlum oldu

DİGƏR XƏBƏRLƏR

XƏBƏR LENTİ

TOP VIDEO

SORĞU

2026-cı ildən gözləntiləriniz nələrdir?