İdman

AFFA-dan "Turan Tovuz"a xəbərdarlıq

24 Fevral 2025 15:28
Baxış: 942
VTB-də minimal faiz dərəcəsi ilə nağd kredit 9.9%-dən
#AZƏRBAYCAN FUTBOLU #FUTBOL #TOVUZ

Bu gün AFFA İntizam Komitəsinin iclası keçirilib.

Milli.Az xəbər verir ki, iclasda "Turan Tovuz" klubunun ötən gün yaydığı etiraz bəyanatı ilə bağlı qərar qəbul edilib.

PFL-in yaydığı məlumatda bildirilib: "Turan Tovuz" AFFA və PFL-in imicinə zərər vuran əsassız bəyanat verdiyinə görə kluba xəbərdarlıq edilməsinə qərar verilib".

Qeyd edək ki, "Turan Tovuz" ötən gün Misli Premyer Liqasının 24-cü turunda səfərdə "Şamaxı" ilə qarşılaşıb. Görüşdən əvvəl klub oyunun "CBC Sport" telekanalı vasitəsi ilə canlı yayımlanmamasına və oyunda VAR hakiminin olmamasına görə etiraz bəyanatı yayıb. Bölgə təmsilçisi oyunun təxirə salınmasını istəyib və matçın şəffaf keçiriləcəyinə dair şübhələrinin olduğunu qeyd edib. AFFA və PFL isə "Turan Tovuz"a cavab olaraq bəyanatlar yayıblar.

Şamaxı şəhər stadionunun meydanının təmizlənmiş və oyuna hazır vəziyyətdə olduğuna görə görüş təxirə salınmayıb. Matçda "Turan Tovuz" 0:1 hesabı ilə qalib gəlib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.