İdman

Türkiyəli məşhur hakim yenə qovuldu: bu dəfə...

10 Dekabr 2024 16:11
Baxış: 1 653
VTB-də minimal faiz dərəcəsi ilə nağd kredit 9.9%-dən
#MARAQLI #İDMAN #TÜRKİYƏ #QALMAQAL #FUTBOL #HAKİM

Səudiyyə Ərəbistanı Hakimlər Komitəsinin prezidenti türkiyəli hakim Halil Umut Melerin ölkədə bir daha oyunu idarə edə bilməyəcəyini açıqlayıb.

Milli.Az xarici mediaya istinadən xəbər verir ki, Səudiyyə Ərəbistanı Hakimlər Komitəsinin sədri Manuel Navarro türkiyəli hakim Halil Umut Meler haqqında sərt açıqlama verib. Navarro "Əl Şabab" - "Əl Hilal" matçında Melerin qərarlarının birbaşa olaraq matça təsir etdiyini ifadə edərək, "Bir daha Halil Umut Meleri matçlarımıza dəvət etməyəcəyik" sözlərini deyib.

Səudiyyə Ərəbistanı mətbuatında çıxan xəbərlərdə Halil Umut Melerin aldığı tənqidlər Türkiyəyə də daşınıb. Superliqada azarkeşlərin "əcnəbi hakim" tələblərinə diqqət çəkən xəbərdə Türkiyədə də Melərə qarşı reaksiyaların artdığı vurğulanıb.

Qeyd edək ki, Halil Umut Melerin ötən il baş tutan "Ankaragücü" - "Çaykur Rizespor" (1:1) matçında verdiyi qərarlardan narazı qalan meydan sahiblərinin prezidenti Faruk Koca referini yumruqla vurmuşdu. Hakim aldığı xəsarətlərdən sonra xəstəxanaya yerləşdirilmişdi. Faruk Koca isə "Ankaragücü"nün prezidenti postundan istefa vermişdi.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.