İdman

Nuri Şahini Avropada dayandıra bilən yoxdur

29 Noyabr 2024 17:41
Baxış: 3 570
VTB-də minimal faiz dərəcəsi ilə nağd kredit 9.9%-dən
#MARAQLI #ÇEMPİONLAR LİQASI #BARSELONA #FUTBOL #BORUSSİYA DORTMUND

Türkiyəli baş məşqçi Nuri Şahin Avropada adından söz etdirməyə davam edir.

Milli.Az xəbər verir ki, Çempionlar Liqasında Zagreb "Dinamo"sunu darmadağın edən Şahin və tələbələri bu mövsüm sözügedən turnirin ən yaxşılarındandır. Komanda keçirdiyi 5-ci matçında 4-cü qələbəsini qazanaraq 4-cü pilləyə yüksəlib. Hazırda "Dortmund"un aktivində 12 xal var.

Liqanın növbəti turunda Şahini daha çətin sınaq gözləyir. "Dortmund" bu mövsüm əla forma yığan İspaniya nəhəngi "Barselona"nı evində qəbul edəcək. Həmin qarşılaşma futbol ekspertləri və azarkeşlər tərəfindən maraqla gözlənilir.

Komanda Almaniya bundesliqasında 11 turdan sonra 19 xalla 5-ci sırada qərarlaşıb. 

Xatırladaq ki, Nuri Şahin daha əvvəl Türkiyənin "Antalyaspor" komandasının baş məşqçisi olub. Yetirməsi olduğu və futbolçu kimi çıxış etdiyi "Dortmund"a isə 2023-cü ilin dekabr ayında məşqçi təyin olunan Nuri 4 illik müqaviləyə imza atıb.

O, karyerası ərzində "Liverpul", "Real Madrid", "Verder Bremen", "Feyenord" kimi məşhur klubların da şərəfini qoruyub. Şahin Türkiyə yığmasında isə 52 oyun keçirib və 2 qolun müəllifi olub.

Tural
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.