İdman

Arda Turana qarşı 13 milyon avroluq fırıldaqçılıq

22 Noyabr 2023 10:08

Baxış: 1 535

VTB-də minimal faiz dərəcəsi ilə nağd kredit 9.9%-dən

#TÜRKİYƏ #DƏLƏDUZLUQ #ARDA TURAN #FUTBOL #CİNAYƏT #AVRO

"Barselona" və Türkiyə millisinin sabiq futbolçusu Arda Turan İspaniyanın "Sport" qəzetinə açıqlamasında fırıldaqçının hərəkəti ucbatından 13 milyon avro itirdiyini deyib.

Milli.Az teleqraf.com-a istinadən bildirir ki, 36 yaşlı Turanın sözlərinə görə, o, İstanbuldakı banklardan birinin menecerinin məsləhəti ilə investisiyalar edib, lakin yatırılan bütün vəsait itib. O, aldadıldığına əmindir.

"Mənə dedilər ki, pulu yatırmaqla qazanc əldə edəcəm. Mən 13 milyon avrodan çox pul verdim. Karyeramın uzun illəri ərzində qazandığım bütün pullar bir anda itirildi", - Turan bildirib.

Turan eyni menecerdən əziyyət çəkən yeganə futbolçu deyil. "Qalatasaray"ın qapıçısı Fernando Muslera və bir neçə digər keçmiş türk futbolçu may ayında onların da aldadıldığını bildirib. Uruqvaylı qolkiper 1,2 milyon itirib.

Milli.Az

Xəbərlərimizi WhatsApp kanalımızdan da oxuyun