İdman

“Yuventus” avrokuboklardan kənarlaşdırıla bilər

22 Yanvar 2023 20:55
Baxış: 683

UEFA növbəti mövsümlərdə "Yuventus"u avrokuboklardan kənarlaşdıra bilər.

Milli.Az "qafqazinfo"ya istinadən xəbər verir ki, maliyyə fırıldağına görə bir neçə gün əvvəl "Yuventus"un A Seriyasından 15 xalı silinmişdi.

"La Gazzetta dello Sport"un məlumatına görə, UEFA "Yuventus"u klubun maliyyə pozuntuları ilə bağlı işin digər istiqaməti - maaş saxtakarlığı ilə bağlı "qeyri-idman davranışına" görə Avropa yarışlarından kənarlaşdıra bilər. Belə pozuntuların faktı sübuta yetirilərsə, UEFA klubun yeni maliyyə göstəricilərini nəzərə alaraq vəziyyəti öyrənəcək.

2021-ci ildə "Yuventus" maliyyə feyr-pley qaydalarına əməl etmədiyinə görə 3,5 milyon avro cərimələnib. Yaxın 3 ildə Turin təmsilçisinin digər maliyyə pozuntularına yol verdiyi sübut olunarsa, cərimənin məbləği 23 milyon avroya qədər artacaq. İtkilərin miqdarından asılı olaraq, "Yuventus" bir mövsümdən çox avrokuboklardan uzaqlaşdırılmaqla da cəzalandırıla bilər.

Mümkün qadağa yalnız "Yuventus"un avrokuboklara vəsiqə qazanacağı təqdirdə, tətbiq olunacaq. Əgər bu mövsüm klub A Seriyasının ilk 7-liyinə düşə bilməsə, cəza yalnız "Yuventus" Avropaya qayıdandan sonra qüvvəyə minəcək .

Xatırladaq ki, Turin təmsilçisi 15 xalı silindikdən sonra A Seriyasında 10-cu pilləyə düşüb. 

Milli.Az

İllik 12,99%-dən 40 000 manatadək zaminsiz komissiyasız kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics