İdman

20 Yanvar şəhidlərinin xatirəsinə həsr olunmuş turnir keçirilib - FOTO

22 Yanvar 2023 16:06

Baxış: 1 157

VTB-də minimal faiz dərəcəsi ilə nağd kredit 9.9%-dən

#İDMAN

20 Yanvar şəhidlərinin əziz xatirəsinə həsr olunmuş yeniyetmələr arasında BrendSport təşkilatçılıq ilə stolüstü tennis yarışı keçirib.

24 idmançının qatıldığı yarışın açılışında 20 Yanvar şəhidlərinin xatirəsi birdəqiqəlik sükutla yad edilib. Sonra yarışın aparıcısı və təşkilatçılarından olan Nuranə Andronova yarışı açıq elan edərək sözü layihənin rəhbəri Bəhruz Səmədova verib.

BrendSport rəhbəri Bəhruz Səmədov çıxışı zamanı 33 il öncə xalqımıza qarşı aparılan mənfur siyasətin nəticəsi olaraq baş verən 20 yanvar hadisələrindən söz açıb, eyni zamanda müstəqil Azərbaycanın apardığı haqlı mübarizəsindən və Qarabağ zəfərindən danışıb.

Sonra sözü 44 günlük Vətən müharibəsi iştirakçısı, tədbirdə qonaq kimi iştirak edən Ceyhun Kəlbiyevə verib. O da öz növbəsində şəhidlərimizə rəhmət diləyərək, bütün idmançılara uğurlar arzulayıb.

Açılış mərasimindən sonra püşkatma mərasimi keçirilib. Oyunlar olimpiya sistemi üzrə (uduzan oyunu tərk edir) sistemi ilə keçrilib.

Gərginliyi ilə yadda qalan turnirin sonunda qaliblər müəyyənləşib.

Oğlanlar arasında 1-ci yeri Səmədzadə Məhəmmədəli, 2-ci yeri Səmədzadə Hüseyn, 3-ci yerləri Hüseyn Kəlbiyev və Hüseyn Əliyev tutublar.

Qızlar arasında isə 1-ci yeri Zəhra Rəhimova, 2-ci yeri Doğan Rümeysa Yarən, 3-cü yeri isə Nuray Feyzullayeva və Məryəm Heybətova tutublar.

Tədbirin ən fəal idmançıları isə Əziz Baloğlanov, Əbülfəz Kəlbiyev, Nihat Baloğlanov, Əli İsmayılov və Sadiq Əlizadə olublar.

Ən kiçik yaşda fərqlənən idmançıları Tunar Baloğlanov və Doğan Emrecan olublar.

Turnirin qaliblərinə və fərqlənənlərə diplom və medallar, eyni zamanda baş sponsor və sponsorlar tərəfindən qiymətli hədiyyələr təqdim olunub.

İnformasiya dəstəyi - Trend.Az, Day.Az, Milli.Az, Azernews.Az