Cəmiyyət

ÜST-dən hamilələrin vaksinasiyası ilə bağlı açıqlama

21 İyul 2021 17:36
Baxış: 533

Hamiləlik - koronavirusu ağır keçirmə riski olan sağlamlıq vəziyyətidir.

Milli.Az oxu.az-a istinadən bildirir ki, bu barədə Ümumdünya Səhiyyə Təşkilatının (ÜST) İmmunlaşdırma üzrə Strateji Məsləhət Qrupunun (SAGE) yenilənmiş tövsiyələrində deyilir.

Xüsusilə 35 yaşdan yuxarılar və yanaşı xəstəlikləri olan hamilələr risk altındadır. Mövcud məlumatlara görə, onlarda xəstəliyin ağır gedişatının riski reproduktiv yaşda hamilə olmayan qadınlara nisbətən daha yüksəkdir.

Mütəxəssislər hamiləlik dövründə koronavirusun erkən doğum riskini artırdığını bildirirlər.

Onların sözlərinə görə, aparılan tədqiqatlarda COVID-19 peyvəndinin qadının və ya fetusun sağlamlığına zərərli təsirləri aşkar edilməyib. Bu baxımdan hamilə qadınların peyvənd vurdurması tövsiyə olunur.

ÜST tövsiyələrində həmçinin analara peyvənddən sonra körpələrinə süd verə biləcəyi qeyd edilib. Bundan əlavə, ilkin məlumatlara görə, bu vəziyyətdə qorunma anadan uşağa ötürülə bilər.

Milli.Az 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.