Cəmiyyət

İlahiyyatçı: “Açıq havada iftar süfrəsi verilə bilər”

15 Aprel 2021 17:48
Baxış: 932
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ölkəmizdə Ramazan ayının başlanması ilə bağlı sərt karantin qaydalarının tətbiqinə dair ehtimallar artır. Buna səbəb kimi orucluq ayında insanların daha çox bir yerə toplaşacağı, ünsiyyətin artacağı göstərilir.

Məlumdur ki, Novruz bayramından sonra koronavirusa yoluxma sayında kəskin artım müşahidə olundu. İnsanların kütləvi olaraq bir yerə toplaşması, bayram günlərində bir-birilərinin evinə gedib-gəlmələri yoluxmanı sürətləndirdi. Məhz daha da təlükəli durumun yaşanmaması müvafiq sərt tədbirlərin görüləcəyi deyilir.

Həkim-infeksionist Sadiqə Əliyeva bildirib ki, yoluxma sayı bu tendensiya ilə davam edərsə, Ramazanda müəyyən qapanmaların olması qaçılmazdır:

"İftar süfrələrində toplaşmaların qarşısı alınmalıdır. Hər kəs müəyyən fədakarlıq edib, qaydalara əməl etsə, yoluxma sayında artım olmaz".

Milli. Az xəbər verir ki ilahiyyatçı Elşad Miri "sherg.az"a açıqlamasında pandemiya dövründə insanların psixologiyasına mənfi təsir edən bir çox amillərin olduğunu söyləyib:

"Bunlardan birincisi insanların bir-biri ilə ünsiyyətsiz olmasıdır. Bəzi yerlərdə ünsiyyət qurmaq qadağan edilmir, lakin çox olmamaq şərti ilə yaxın qohum-əqrəba bir-birini ziyarət etməlidir.

Amma bəzi qaydalara əməl etmək lazımdır. Yəni görüşmədən, qucaqlaşıb-öpüşmədən məsələni həll etmək olar. Bu, problemli bir hal deyil.

Sadəcə olaraq bir çox insanın yığışaraq kütləvi yoluxma yarada biləcək addımlardan çəkinməsi daha məqsədəuyğun olardı. Ancaq insanları heç bir şəkildə ünsiyyətdən kənar qoymaq olmaz. Havalar isinir, bəzi yerlərdə açıq havada iftar süfrəsi verilə, insanlar bir-biri ilə söhbət edə bilər. Amma bunu müəyyən qaydalara riayət etməklə həyata keçirmək mümkündür".

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.