Cəmiyyət

Bakı metrosunun "Avtovağzal" stansiyası necə olacaq? - FOTO

12 Yanvar 2012 13:14

Baxış: 3 622

VTB-də minimal faiz dərəcəsi ilə nağd kredit 9.9%-dən

#AZERBAİJAN

Bakı Metropolitenində tikintisinə başlanmış "Avtovağzal" stansiyasında işlər sürətlə davam etsə də, arxitektor-dizayn layihəsi hələ də təqsdiqlənməyib. Metro stansiyasının dizayn layihələrindən birini təqdim etmiş memar, Azərbaycan Memarlar Birliyinin Birinci Katibi Elbay Qasımzadə Milli.Az-a bildirdi ki, həmin stansiya ilə bağlı bir neçə layihə təqdim olunub. Ancaq həmin layihələrdən heç biri hələlik təsdiqlənməyib.

Tikilən Metropoliten İdarəsinin baş mühəndisi Humay Hümbətov Milli.Az-a açıqlamasında hazırda təklif olunan layihələrin təsdiqlənmədiyi bildirdi: "Stansiyanın arxitektor-dizayn işləri ilə bağlı bir neçə təklif var. Hazırda danışıqlar aparılır, Nazirlər Kabineti ilə razılaşdırlmalıdır".

Bakı Metopoliteninin mətbuat xidmətinin rəhbəri Nəzakət Tarverdiyeva Milli.Az-a yeni stansiyanın çox müasir görkəmdə olacağını dedi: "Yeni stansiya müasir informasiya və kommunikasiya texnologiyaları ilə təmin ediləcək və stansiyada zəruri infrastruktur yaradılacaq. Stansiyada sərnişinlərin informasiya ilə təmin edilməsi üçün isə monitorlar və gündəlik xəbərlərlə məlumatlandırmanı təmin etmək üçün elektron tablolar qurulacaq. "Avtovağzal" stansiyası platformasının sütunsuz və yeddi vaqonluq olması nəzərdə tutulub. Stansiyanın 2013-cü ildə təhvil verilməsi planlaşdırılır".

Qeyd edək ki, "Avtovağzal"a gediş, keçid stansiyası olan "Cavadxan" vasitəsilə olacaq. Bu xəttin uzunluğunun 2 kilometr 200 metr olması nəzərdə tutulur.

Anar Məmmədov
Milli.Az

Böyütmək üçün şəkillərə klikləyin.