Cəmiyyət

Bakıda 100-dən çox sürücü saxlanılıb - FOTO

28 Avqust 2019 22:04
0 Şərh     Baxış: 1 907
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Bakı Şəhər Baş Polis İdarəsi tabeli orqanları ilə birgə cinayətkarlıqla mübarizə, ictimai qaydanın qorunması və ictimai təhlükəsizliyin təmin edilməsi, inzibati hüquqpozmalara qarşı gücləndirilmiş əməliyyat-profilaktik, profilaktik-maarifləndimə tədbirləri davam etdirilib.

Maarifləndirmə çərçivəsində Sabunçu rayon Polis İdarəsinin Dövlət Yol Polisi əməkdaşları da rayon ərazisində piyada keçidlərindən istifadə, qanunsuz parklanma, piyada səkilərində avtomobillərin qanunsuz saxlanılması və digər faktlara qarşı profilaktik tədbir keçirib.

Milli.Az bildirir ki, Trend-in əməkdaşının iştirakı ilə keçirilən tədbirdə qaydalara əməl etməyən piyada və sürücülər saxlanılaraq maarifləndirilib.

Sabunçu rayon Polis İdarəsinin Dövlət Yol Polisi Şöbəsinin inzibati Təcrübə üzrə baş inspektoru, polis mayoru Elmar Əbilov bildirib ki, gün ərzində keçirilən profilaktik tədbirlər nəticəsində 93 nəfərdən artıq piyada müəyyən olunmuş yeraltı və yerüstü keçiddən istifadə etmədiyi üçün saxlanılıb.

Onun sözlərinə görə, həmin piyadalar keçiddən istifadə qaydaları və keçiddən istifadənin vacibliyi barədə təlimatlandırılıb:

"Tədbir çərçivəsində ödənilməmiş cəriməsi olan 63 avtomobil müəyyən edilərək saxlanılıb. Həmin sürücülərdən 48 nəfər dərhal cəriməni yerində ödədiyi üçün buraxılıb. Digər 15 sürücüyə isə xəbərdarlıq edilib. Ümumilikdə gün ərzində qayda pozan 100-dən artıq avtomobil saxlanılıb və onlar yol hərəkəti barədə təlimatlandırılıb.

Keçirilən tədbirlər çərçivəsində piyada səkisində piyadaların hərəkətinə mane olan 16 avtomobil müəyyən edilərək sürücülərə xəbərdarlıq edilib və səkidən kənarlaşdırılıb.

Tədbirimiz mütəmadi xarakter daşıyır. Məqsədimiz sürücü və piyadaları cərimələmək deyil, onları maarifləndirmək, qaydalara əməl etməyə çağırmaqdı. Hər bir vətəndaş qanunvericiliyə əməl etməli, qayda pozuntularının sayının azalmasına çalışmalıdır. Bildiyimiz kimi, yol nəqliyyat hadisələrinin əksəriyyəti insan amili ilə bağlıdır. Sürücülərin, piyadaların qaydalara əməl etməməsi ağır nəticələrə səbəb olur. Ani səhlənkarlıq insan ölümü və xəsarətlə nəticələnir. İstəyirik ki vətəndaşlarımız müəyyən olunmuş qaydalara əməl etsin, qayda pozuntularının və bədbəxt hadisələrin sayı azalsın. Bu cür tədbirlərin keçirilməsi vacibdir.

Vətəndaşları cərimələmədən onları maarifləndirmək bu cür halların azalmasına gətirib çıxarır. Bu işdə vətəndaşların və medianın dəstəyinə böyük ehtiyacımız var".

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.