Cəmiyyət

Günün qoroskopu: Ətrafınızdakı olayları laqeydliklə müşahidə etməyin

3 Avqust 2019 00:01
13 Şərh     Baxış: 7 302

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir. 

Qoç - İntellektual və enerji səviyyənizin yüksəlməsindən ailənizin maraqlarının təminatı üçün bəhrələnin. Hisslərinizi paylaşmağa tələsməyin. Əzmli, qətiyyətli olun. Yaşananlar sizi çaşdırmasın.

Hadisələrin ən uğursuz məcrasına hazır olun.

Günün ikinci yarısında danışıqlarda sayıq olun. Əks təqdirdə qarşı tərəflə kəskin mübahisə edə bilərsiniz. Diqqətinizi işə yönəldin. Romantik görüşü ertələyin.

Sabaha indidən hazırlaşın.

Buğa - Situasiyanı sizə gərəkli istiqamətdə inkişaf etdirmək üçün stereotiplərdən qurtulun. Qarşı tərəfin əhvalını anlayın, emosiyaları hiss edin. Durum qəflətən dəyişə bilər.

Qarşınıza qoyduğunuz məqsədə çatmaq üçün lazımi vasitələrdən istifadə edin.

Günün ikinci yarısında işlərin emosiyalarla həllinə imkan verməyin. Yaxşı intuisiya diqqətə layiq məsələlərin həllində yardımçınız olacaq. Gələn informasiyalara fikir verin. Maraqlı ideyalar istisna deyil.

Rasional olun. Mövqelərinizi möhkəmləndirin.

Axşam saatlarında əylənin, gəzintiyə çıxın.

Əkizlər - Dediklərinizi yanlış anlamamalıdırlar. Vəziyyət yönünü qəflətən dəyişir. Bir istiqamətdə hərəkəti çoxdan planlaşdırsanız da, yeni xəbərlər və gözlənilməz məlumatlar gündəmə başqa işləri gətirəcək. Ətrafınızdakı insanlarla təmaslar niyyətinizə təsir edəcək.

Hadisələrə təsir imkanlarına malik insan günün ikinci yarısında sizə yardım edəcək. Təsadüfi nüanslar əhvalınıza pis təsir etməməlidir. Diqqətiniz dağınıq olmasın.

Axına qarşı üzməyin. Yanınızdakı insanlara qarşı ifrat tələblərə söykənən mövqe tutmayın. Yardım istəyən insana kömək edin. Ailə üzvlərinizin qayğınıza ehtiyacı var.

Səhhətinizin qeydinə qalın.

Xərçəng - Emosional əlaqələri yenidən dəyərləndirin. Maliyyə münasibətlərini təftiş edin. Əlavə işlərə boyun olmayın, düşünülməmiş addımlar atmayın. İntuisiyanızı dinləyin. Riskli əməliyyatlara qatılmayın, kateqorik bəyanatlar verməyin.

Günün ikinci yarısında virtual təmaslar, informasiya axtarışı, yenilik arayışları gözləntilərinizi doğruldacaq.

Axşam saatlarını pəhrizə, rasionun nizamlanmasına həsr etmək olar. Harasa yollanmaq fikriniz varsa, münasibətlərdə tamahkarlıq etməyin. Eyni vaxtda bir neçə iş görmək mümkün deyil.

Şir - Tələsmədən, aramla çalışın. Gərginlik səviyyəsi nə qədər artsa da, cari məsələləri nə qədər tez başa vurmaq istəsəniz də, təmkinli olun. Sizə deyilənlərə diqqətlə qulaq asın. Vəziyyəti müşahidə edin. Konkret situasiyadan asılı olaraq qarşı tərəflə əlaqələri yeniləmək mümkündür.

Günün ikinci yarısında fəaliyyət müstəvisində sürətlənmə olacaq. Uğurlu şəraitdən yararlanın, ən ağır problemlərin asan və rahat həllərinin mümkünlüyünü təkzib etməyin. Qarşılıqlı fəaliyyətə xüsusi ehtiyac duyulur.

Səhhətinizə fikir verin. Valideynlərinizin könlünü alın.

Qız - Günün ilk yarısında problemləri həll etmək, yeni oriyentir və ya maraq dairəsi seçmək olar. Təklifləri diqqətlə qiymətləndirin, saf-çürük edin. Çətinliklərə rəğmən, irəliləməyə çalışın.

Cari fəaliyyətinizin yeni, alternativ yanaşmaya ehtiyacı var. Gəlirlər və perspektiv sizi təmin etməməlidir. Mənasız ümidləri və boş xəyalları unudun, yeni layihədə, işdə, münasibətlərdə özünüzü sınayın.

Axşam saatlarında sizə rəğbət bəsləyən insanı dinləyin. Hadisələri əsla tələsdirməin. Mühüm məsələlər təhlil ediləndə qarşı tərəfin də maraqlarını dərk etməyə can atın.

Tərəzi - Münasibətlərin yeni mərhələsidir. Yaşamınızdakı bir neçə istiqamətdə hərəkətlərin fəallaşmağa ehtiyacı var. İşdə və şəxsi münasibətlərdə aqressiv olmayın. Etiraf və açıq danışıq gözləməyin. Yanınızdakı insanlar hansısa izahata ehtiyac duymadan çalışacaqlar.

Günün ikinci yarısında situasiyanın təfərrüatlarını anlayın. Diqqət mərkəzində olacaqsınız. Tərəfdaşlar və şəriklərlə münasibətlərdə maliyyə məsələlərinə xüsusi diqqət ayırın. İndiyədək latent durumda qalan mövzular bu gün aktualdır.

Qənaətcil olun.

Əqrəb - İntensiv fəaliyyət, zəhmət tələb edən zamandır. Danışıqlar, planlaşdırma, işlərin bölüşdürülməsi pis alınmayacaq. Əlavə işlər cazibədar təsir bağışlasa da, onları ertələyin. Əks halda mühüm situasiya üzərində nəzarət imkanlarını itirəcək, önəmli işi yarımçıq qoymalı olacaqsınız.

Günün ikinci yarısı ümumən pozitivdir. Sizi maraqlandıran xəbərləri əldə etməyə çalışın. Dəyər verdiyiniz insanların qayğısına qalın. Yardımlarınız unudulmayacaq.

Axşam saatlarında açıq havada mümkün qədər çox vaxt keçirin. Təəssürat və fikir mübadiləsi ola bilər.

Oxatan - Müstəqil şəkildə, kənar təsirlərə uymadan çalışmaq üçün əlverişli zamandır. Cari işlərlə məşğul olun. Geriləmə hiss olunan yerdəki çətinliyi aradan qaldırın. Münasibətlərdə ifrat emosionallığa varmayın.

Günün ikinci yarısı yaxın gələcəklə bağlı perspektivlərin müəyyənləşdirilməsi zamanıdır. Gərəkli informasiyaları toplayın, zəruri görüşlərlə bağlı vədələşin. İlkin razılaşma səbatlı deyilsə, yeni layihəyə başlamayın. Özünüzü çox yormayın.

Səhhətinizə fikir verin, normal tonusda olun.

Axşam saatlarında normal istirahət edin.

Oğlaq - İctimai fəaliyyət üçün pis gün deyil. Ticarət və xidmət sahəsində çalışırsınızsa, irəliləyişə nail olacaqsınız. Rutin məsələlərin həllində nizam yaradın. Sənədləşdirmədə, ailə büdcəsinin həllində sayıq olmaqla yanaşı, yaxınlarınızın dediklərinə qulaq asın.

Günün ikinci yarısında fəaliyyət arealını nizama salın.

Ailə üzvləri sizi problemlərin həllindən yayındıra bilərlər. Məqsədə çatmağın optimal yollarını fikirləşin.

İnsanların gur olduqları toplantılardan yayının.

Dolça - Ətrafınızdakı olayları laqeydliklə müşahidə etməyin. Gələn xəbərləri diqqətlə araşdırın. Zahiri görünüşünüzə fikir verin. Çətin problemi dostlarla birlikdə həll etmək olar. Yeniliklər zamanıdır. Cari işlərdəki sədlərlə maneələri dəf edə bilərsiniz.

Günün ikinci yarısında qarşılıqlı fəaliyyətdə xeyir var. Zahiri görünüşə fikir verin. Qətiyyətli olsanız, cari işlərdə gözləntilərdən artığına nail ola bilərsiniz.

Axşam saatlarına yaxın daxili gərginlikdən qurtulmaq üçün laübəli məsələlərə aydınlıq gətirin, sizi pərişan edəcək suallara cavab arayın. İrəliləmək üçün bütün vasitələrdən və imkanlardan istifadə edin.

Balıqlar - Səciyyəvi çətinlikləri həddən ziyadə emosional qəbul etməyin. Maliyyə itkiləri, elektron qurğulardan birinin sıradan çıxması istisna deyil. Mümkün qədər diqqətli olun. Dövlət qurumlarının nümayəndələri ilə danışanda məğlubiyyətçi mövqe tutmayın.

Günün ikinci yarısında yaxınlarınız və ailə üzvləriniz işlərinizdə sizə dəstək verəcəklər. Uzaq yerdən gəlmiş insanla sıx ünsiyyət qurmağa dəyməz.

Məkrli planın, avantüranın qurbanına çevrilməyin.

Milli.Az

loading...

Şərh yaz:

13 Şərh:

  • Anonim
    Esra Ibrahimli(Samaxi) · 3 Avqust 00:023616

    Sabahiniz uqurlu olsun !

    Cavab yaz
  • Anonim
    Zəhra · 3 Avqust 00:385549

    Gününüz xeyirli ,uğurlu olsun inşAllah

    Cavab yaz
    • Anonim
      Zəhra · 3 Avqust 13:5462

      Like və dislike üçün sağolun. Bu göstərdiyiniz daha doğrusu verdiyiniz dəyərdir. Minnətdaram

      Cavab yaz
  • Anonim
    asi · 3 Avqust 09:243434

    Mən qənaitçil olsam, qəməndir varlanar))..Varlanıb həci olmaq istəyər..Həci olub müğənni almaq istəyır..Yox elə dünya))..

    Cavab yaz
    • Anonim
      Hmmm · 3 Avqust 21:2070

      Qəməndiri əldə bərk-bərk saxlamaq üçün bədxərclikdən başqa variant tapmadız? Men o qəməndirin yerində olsaydım sizi çoxdan istefaya göndermişdim:))

      Cavab yaz
  • Anonim
    **** · 3 Avqust 09:31307

    Sabahiniz xeyir

    Cavab yaz
  • Anonim
    Ulya · 3 Avqust 09:47362

    Tanrımı söyləsəm, yenə az olar, Möcüzə kimidir, sehir kimidir. Qadın var ki, ona şeir yazılar, Qadın var ki, özü şeir kimidir. . Qəlbinə toxunma, sən qədrini bil, Könüllər sevgisiz erkən solurmuş. Qadın gözəlliyi daş-qaşla deyil, Qadın seviləndə gözəl olurmuş. . Qadınlar tanrıtək qoy böyük olsun, Dünyanı güldürər üzü güləndə. Daş deyil əlində ağır yük olsun, Bir çiçək götür gəl evə gələndə.

    Cavab yaz
  • Anonim
    Ulya · 3 Avqust 09:47332

    . Gözləyər sən evə gec gələndə hər, Gözünü bir qırpım yumacağı yox. Biraz diqqət istər, sədaqət istər, Bir ayrı diləyi, umacağı yox. . Qoymayaq arzusu qalsın yarıda, Qadın həyat verir, həyat bitirir. Nə yaxşı dünyaya qadınları da, Nə yaxşı dünyaya qadın gətirir!

    Cavab yaz
  • Anonim
    Ulya · 3 Avqust 11:0461

    Hefte sonunuz eylenceli, maraqli, xeyirli, ugurlu olsun!!!!

    Cavab yaz
  • Anonim
    Ulya · 3 Avqust 14:4441

    Görəsən Məndən Neçə Dənədi? Biri Yerdə və Biri Göydədi. Biri Xoşbəxt və Biri Dərddədi. Biri İtkin və Biri Dəbdədi. De Görüm Məndən Neçə Dənədi? Biri Qəmgin, Biri Təntənədi. Biri Ölmüş, Biri Ürəkdədi. Biri Evdə, Biri Səhnədədi.Kim Bili Məndən Neçə Dənədi? Biri Səssiz, Biri Nəğmədədi. Biri Bəmdə O Biri Zildədi. Biri Geridə və Biri Öndədi. Biri Şərqdə, Biri Qərbdə. Biri Cənub, Biri Şimalda. Sanki Məndən Min Dənədi. Yalnız Səndən Bir Dənədi.

    Cavab yaz
  • Anonim
    Ulya · 3 Avqust 14:4541

    Biki Səndən Bir Dənədi, Bir Dənədi, Bir Dənədi. Sən Mənim Bir Dənəmsən, Bir Dənəm Görəsən Məndən Neçə Dənədi? Biri Parlaq, Biri Kölgədədi. Biri Düzgün, Biri Döngədədi. Biri Üzgün ve Biri Keyfdədi. De Görüm Məndən Neçə Dənədi? Biri Susqun, Biri Deyingəndi. Biri Sükut, Biri Müharibədi. Biri Segah, Biri Tərəkəmədi.

    Cavab yaz
  • Anonim
    Ulya · 3 Avqust 14:4641

    Kim Bilir Məndən Nəçə Dənədi? Biri Sakit, Biri Zəlzələdi. Biri Sığal və Biri Zərbədi. Biri Təp Təzə və Biri Köhnədi.Nədi? Nədi? Nədi? Nədi? Nədi? Nədi? Biri Ölüb və Biri Əbədi. Sanki Məndən Min Dənədi. Yalnız Səndən Bir Dənədi.

    Cavab yaz
    • Anonim
      Mp3 · 3 Avqust 15:1961

      Röya ft Miri Yusif - səndən birdənədi. Hörmətlə: Zəhra

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.