"Twitter" istifadəçisi Keyli Kreyn yazdığı "tweet"lə sosial şəbəkə istifadəçilərini qıcıqlandırıb.
Milli.Az Oxu.az-a istinadən xəbər verir ki, o, Parisin Notr-Dam kilsəsində baş verən yanğın zamanı səcdəgah və əsas xaça heç bir ziyanın dəyməməsinin Tanrının varlığını sübuta yetirdiyini yazıb.
"...Zəhmət olmasa, mənə izah edin, bundan sonra Tanrıya necə inanmamaq olar", - deyə kilsənin yanğından sonrakı şəklini bu yazı ilə şərh edib.
Onun bu yazısı ən populyar "tweet"lərdən birinə çevrilərək 70 min "like" və repost toplayıb.
Şərhlərdə bir çoxları xaçın qızıldan olmasını əsas gətirərək, qadının elmdən anlayışının olmamasına eyham vurub.
"Qızıl 1064 dərəcədə əriyir, ağac isə təxminən 600 dərəcədə yanır", - deyə istifadəçilərdən biri yazıb.
Milli.Az