Cəmiyyət

Günün qoroskopu:Neqativ emosiyaların əsiri olmayın.

6 May 2019 00:01
28 Şərh     Baxış: 11 827
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli.Az dünyanın nüfuzlu və məşhur ulduz falları portalları "Horoscope" və "Astrology"yə istinadən bu günün qoroskopunu təqdim edir

Qoç - Rutin işlərdən yayınmayın. Yaxın ətrafınızdakı insanlar sizə can atırlar. Amma təmaslar rahat və xoşagələn olmaya bilər. Sizdən yardım istəyəcək, bir sıra problemlərin həllini sizə həvalə etməyə çalışacaqlar. İnformasiya mübadiləsinə və məlumatların paylaşmasına fikir verin.

Günün ikinci yarısı bilavasitə fəaliyyət sahənizlə bağlı məsələlərin həlli üçün əlverişlidir. Münaqişəli situasiyalarda nümayişkaranə şəkildə sərt olmayın. Gələn xəbərləri təhlil edin. Proseslərlə bağlı mümkün qədər çox məlumat əldə edin.

Axşam saatlarında gəzintiyə çıxmaq olar.
 

Buğa - Yaxın ətrafınızdakı insanlarla təmasda balansa riayət edin. Müstəqil olun, asılı insan təsiri bağışlamayın. Niyyət və istəklərinizdən patoloji dərəcədə asılı qalmayın. Fəaliyyətinizdə harmoniyaya nail olun.

Günün ikinci yarısında özünüzü və ya sayğı bəslədiyiniz insanı ideallaşdırmayın. Yeni layihəni razılaşdırmadan gerçəkləşdirməyə can atmayın. Qətiyyətli olun, amma aqressiv davranmayın. Axşam saatlarına yaxın münasibətləri aydınlaşdırmağa təşəbbüs göstərməyin. Qarşı tərəfdə dialoq istəyi olmalıdır.

Əkizlər - Günün ilk yarısı normal axardadır. Hadisələrin inkişaf məcrasına süni təkanlar verməyin. Kənar amillərin təsiri altında bəzi ssenariləri dəyişmək gərəkdir. Öhdəliklərinizi və vədlərinizi unutmayın. Səhhətinizə fikir verin.

Günün ikinci yarısında neqativ məqamlar sizdə bədbinlik yaratmasın. Müəmmalı situasiyada konstruktiv qərar verməyə çalışın. Yaxşı tanımadığınız insanla bağlı tələsik fikir söyləməyin. Bir sıra detallardan agah olmağınız lazımdır.

Axşam saatlarında evdən kənarda istirahət edin.

Xərçəng - Sizi təəccübləndirəcək çox hadisə olacaq. Arzuladığınız işlərdən birinə başlamaq şansı yaranacaq. Fürsətdən yararlanın. Qəfil hadisə əhvalınızı korlayaraq fəaliyyətinizə pəl vura bilər. İşlərdən biri gəlir və ya rəqiblərlə müqayisədə üstünlük vəd edir.

Günün ikinci yarısında yeni əlaqələr qurun, təmasları aktivləşdirin, münasibətləri nizamlayın.

Diqqətinizə və qayğınıza ehtiyac duyan insanlara dəstək olun. Enerjiniz az deyil. Emosiyalara qapılmayın. Təmaslarda ehtiyatlı olun. Axşam saatlarında səhhətinizə fikir verin, çox işləməyin.

Şir - Ünsiyyətdə qarşılıqlı iradların sayını azaldın. Susmağa, qarşı tərəfi dinləməyə üstünlük verin. Maraqlandığınız məsələnin təfərrüatlarını öyrənin. Yüz ölçün, bir biçin. Fəaliyyət istiqamətində dəyişikliklər etmək olar.

Günün ikinci yarısınlda ailə problemlərini müzakirə etmək, məişətdəki çətinlikdən çıxış yolu aramaq olar. Fikrinizi absolyut həqiqət saymayın.

Axşam saatlarında durumda mübhəm gərginlik var. Özünüzü narahat hiss etdiyiniz yeri tərk edin.

Qız - Uzaqdakı tanış və ya dostlardan birindən qəfil xəbər alacaqsınız. Ünsiyyətdə səmimi olun. Sizi ilk sözdən anlayan, dərk edən insan üçün darıxa bilərsiniz. Fərdi təşəbbüsləriniz qeyri-müəyyən nəticələr vəd edir.

Günün ikinci yarısında görüşü və ya müzakirələri təxirə salmayın. Yaxşı tanımadığınız insana sirlərinizi etibar etməyin. Məktubunuza mənfi cavab almağınız, görüş təklifinizdən imtina istisna deyil.

Etibarlı dostlara inanın. Axşam saatlarında səfər və ya səyahət məsləhət deyil.

Tərəzi - Günün ilk yarısında durum birmənalı deyil. İrəliyə doğru hərəkətiniz davranış motivlərinizdən asılıdır. Aqressiv, sərt, kinli olmayın. Seçimlərdə hisslərə əsir düşməyin.

Maliyyə məsələləri yaxınlarınızla təmaslarınıza mənfi təsir etməməlidir.

Günün ikinci yarısında qısqanclıq mənasızdır. Rəqabət güclənəcək. Qarşılıqlı münasibətlərdə bəzi nüansları diqqətdən qaçırmayın.

Alış-veriş, hədiyyə almaq üçün axşam saatlarını seçin. Kredit göütrmək və ya pul köçürmək üçün münasib vaxt sabahdır.

Əqrəb - Yaşananların məğzini hiss etməyə çalışın. Üstün məziyyətlərinizdən faydalanın. Emosiyalarınıza nəzarət edin. Fikir və ya ideyanın köləsinə çevrilməyin. Güclü hisslərə zərurət duyursunuzsa, spontan addımlar atmayın.

Günün ikinci yarısında impulsiv qərarlarla situasiyanı daha da ağırlaşdırmayın. Yaxın ətrafınızdakı insanları qaba davranışa təhrik etməyin.

Axşam saatlarında stresdən qurtulmağa çalışın.

Oxatan - Emosional durumunuz işlərin gedişatını müəyyənləşdirəcək. Tənqidə, eyhamlara aqressiv reaksiya verməyin. Birmənalı olmayan situasiyada məntiqli və təmkinli davranın. Hisslərinizə məğlub olsanız, kobud səhvə yol verəcəksiniz.

Günün ikinci yarısı yeni təmasların qurulması və əlaqələrin yaradılması üçün əlverişli deyil. İnternetdə çox vaxt keçirməyin. Gərəkli informasiyanın axtarışı ilə kifayətlənin. Önəmli müzakirəni ertələyin. Ən yaxşı mühafizəçiniz intuisiyanızdır. Sizdə neqativ xatirələr və assosiasiyalar yaradan insanla münasibətləri kəsin.

Etiraflar təhlükəlidir.

Oğlaq - Təhlükəsiz davranış modelini seçsəniz, gününüz pis keçməyəcək. Ciddi, məsuliyyətli qərar verməyə tələsməyin. Səhv və yanlışlıq riski var. Tənqidlərə, zarafata, iradlara sərt reaksiya verməyin. Kiçik uğursuzluqlar sizi əsla ruhdan salmamalıdır.

Günün ikinci yarısında energetik vampirlə qarşılaşacaqsınız. Belə adamlar başqalarının əhvalını korlamaqdan həzz alırlar. Yaxınlarınız, dostlarınız, dəyər verdiyiniz insanlarla ünsiyyətdə səmimi olun.

Axşam saatlarına yaxın normal istirahət etməyə çalışın.

Dolça - Günün ilk yarısı tanışlıq və mühüm əlaqələr üçün düşərli zaman deyil. Start aktiv olmalıdır. Əks təqdirdə işlərdə ciddi problemlər yarana bilər. Opponentləriniz aktivləşəcəklər. Səfərdə çətinlik və ağırlıq istisna deyil.

Günün ikinci yarısında sözləriniz və jestlərinizə qeyri-adekvat reaksiya olacaq. Sizə orijinal, qeyri-adi təsir bağışlayan ünsürləri yaxın ətrafınızdakı insanlar tənqid, aşağılama, boşboğazlıq kimi qəbul edə bilərlər.

Neqativ emosiyaların əsiri olmayın.
 

Balıqlar - Diqqətli və ayıq olun. Kiçik detalları nəzərdən qaçırmasanız, sizdən gizlətməyə çalışılan həqiqətləri görəcəksiniz. İşlərinizə istənilən səviyyədə kənar təsirlərin qarşısını alın. Təzyiqlərin qarşısında geri çəkilməyin.

Verbal təmaslar və yazışmalar mövqelərinizi zəiflədə bilər.

Günün ikinci yarısında situasiya kəskin, sürətli müdaxilə tələb etmirsə, ən cazibədar təsir bağışlayan təklifləri belə, cavablamağa tələsməyin.

Axşam saatlarına yaxın spontan səfərlərə yollanmayın. Riskli yerlərdə çox vaxt keçirməyin.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.