Cəmiyyət

Yanğını söndürən mülki geyimli şəxslərlə bağlı FHN-dən AÇIQLAMA

26 Mart 2019 18:20

1 Şərh Baxış: 2 626

#CƏMİYYƏT

Milli.Az bildirir ki, FHN-in mətbuat xidmətindən virtualaz.org-a verilən məlumata görə, bu gün bəzi sosial şəbəkə səhifələrində "Diqlas" ticarət mərkəzində baş vermiş yanğın zamanı mülki geyimli şəxslərin də yanğının söndürülməsində iştirak etməsini əks etdirən videogörüntü paylaşılıb.

Bildirir ki, həmin videogörüntüdəki mülki geyimli şəxslər əslində FHN-nin DYMX-nin yanğınsöndürənləridir, bu gün onların istirahət günləri olmasına baxmayaraq, hadisə yerinə yaxınlıqda yaşadıqlarından öz həmkarlarına kömək məqsədilə əraziyə gəliblər.

FHN bir daha sosial şəbəkə istifadəçilərindən xahiş edir ki, dəqiqləşdirilmədən qərəzli şəkildə yayılan bu kimi video və ya məlumatlara deyil, nazirliyin rəsmi mövqeyinə istinad edilsin.

Milli.Az