Cəmiyyət

Bu həkimlərin maaşı artırılsın - Milli Məclisdə təklif

14 Mart 2019 23:16
0 Şərh     Baxış: 1 645

Azərbaycanda vərəmli xəstələrlə işləyən həkimlərin, orta tibb işçilərinin maaşları artırılmalıdır.

Milli.Az oxu.az-a istinadən bildirir ki, bu sözləri Səhiyyə Nazirliyi Elmi Tədqiqat Ağciyər Xəstəlikləri İnstitutunun direktoru, professor Həqiqət Qədirova Milli Məclisdə (MM) "Azərbaycanda vərəmlə mübarizə" mövzusunda keçirilən dinləmələrdə deyib.

"Vərəm xəstəliyinin müalicəsi çox uzun prosesdir, ən həssas vərəm formalarının müalicəsi azı altı ay davam edir. Təsəvvür edin ki, bunun üçün nə qədər hövsələ lazımdır.

Həkimin hansısa maddi marağı olmasa, o zaman bizdə hansısa göstəricilər düzələcək" deyən institut direktoru əlavə edib ki, vərəmin müalicəsi üçün xəstəyə ailə üzvlərinin çox güclü dəstəyi lazımdır:

"Müəyyən bir dövr ərzində vərəmli xəstələrə Vərəmlə Mübarizə üzrə Qlobal Fond tərəfindən yardım verilirdi. Təxminən 50-75 manat yardım ayrılırdı, amma sonradan bu layihə dayandırıldı".

H.Qədirova daha bir vacib məqama toxunub:

"Hazırda icbari tibbi sığortaya keçilir, amma vərəmli xəstələrin necə sığortalanacağı, bu xəstəliyin sığorta paketinə daxil olub-olmayacağı hələ də bəlli deyil".

İnstitut direktoru qeyd edib ki, vərəmli xəstələrin uzun müddət stasionar müəssisədə yatmasına ehtiyac olmasa da, əlillik dərəcəsi almaq üçün onlar yatmalı olurlar:

"Belə bir anlaşılmazlığa görə xəstələr çalışırlar ki, uzun müddət stasionar müəssisələrdə yatsınlar. Halbuki buna heç ehtiyac yoxdur, çünki onlar ev şəraitində müalicələrini davam etdirə bilərlər. Bu məsələnin həll edilməsi yaxşı olardı".

Milli.Az

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.