Cəmiyyət

Sənədsiz evlərin sənədləşdirilməsi - Eskiz layihə üçün MTK-ya pul ödənilməlidir?

14 Mart 2019 22:04
0 Şərh     Baxış: 2 087
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Dövlət başçısının tapşırığına əsasən yeni tikilən ancaq rəsmi olaraq istismara qəbul edilməyən binaların sənədləşdirilməsi sürətləndirilir. Ancaq bəzi tikinti şirkətləri bu proses üçün vətəndaşlara lazım olan sənədləri təmin etmək əvəzinə bu prosesəkölgə salmağa çalışırlar. Belə ki, vətəndaşlar mənzillərinə çıxarış almaq üçün aidiyyatı qurumlara maliyyə sənədi, müqavilə və mənzilin eskiz layihəsini təqdim etməlidirlər. Bəzi MTK-lar isə eskiz layihəni vətəndaşlara pulla satmağa başlayıb.

Milli.Az xezerxeber.az-a istinadən bildirir ki, əmlak eksperti Ramil Osmanlı bildirir ki, Mənzil Tikinti Kooperativlərinin bu addımı heç bir qanun, qaydaya uyğun gəlmir. Onlar həmin sənədi vətəndaşa verməyə borcludurlar.

Ramil Osmanlı onu da bildirir ki, qanunvericilikdə tikinti şirkəti rəhbərlərinin məsuliyyətə cəlb olunması ilə bağlı da kifayət qədər yeniliklər edilib və vətəndaşlar hüquq-mühafizə orqanlarına şikayət edərək öz haqlarını bərpa edə bilərlər.

Məsələ ilə bağlı Əmlak Məsələləri Dövlət Komitəsindən "XəzərXəbər"ə bildirdilər ki, bu vəziyyətdə vətəndaşdan eskiz sənədinə görə pul tələb edilməsi tamamilə qanunsuzdur. Həmin sənədi vətəndaşa heç bir qarşılıq olmadan vermək tikinti şirkətlərinin borcudur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.