Cəmiyyət

Baş infeksionist Azərbaycanda hepatit B və C viruslarının yayılması haqda danışdı

13 Fevral 2019 16:10
3 Şərh     Baxış: 918

Azərbaycanda hepatit B və C viruslarının yayılması ilə bağlı ciddi təhlükə yoxdur. Hazırda bu viruslara yoluxanlar ölkə əhalisinin təxminən 2 faizini təşkil edir.

Milli.Az AZƏRTAC-a istinadən bildirir ki, bu sözləri jurnalistlərə müsahibəsində Azərbaycanın baş infeksionisti Cəlal İsayev söyləyib.

O deyib ki, bu xəstəliklə mübarizə səhiyyə sisteminin qarşısında duran əsas istiqamətlərdən biridir. Bu xəstəliyin profilaktika və müalicəsi Azərbaycanda dövlət proqramına daxil edilib. Azərbaycanda hepatit B-yə qarşı mübarizə tədbirləri kifayət qədər yüksək səviyyədə aparılır. Bu növə qarşı peyvəndin aparılması xüsusi qeyd olunmalıdır. Peyvəndləmə anadan olan uşaqlar arasında aparılır və təqvim planına salınıb.

"Proses bütün uşaqları əhatə edir. Bunun nəticəsidir ki, ölkəmizdə hepatit B virusuna yoluxma halları kəskin azalıb. Hazırkı dövrdə hepatit B ilə xəstələnmə göstəricisi 30 il əvvəlkindən 24-25 dəfə aşağı düşüb. Bu da çox yaxşı nəticədir", - deyə, C.İsyaev vurğulayıb.

Baş infeksionist, həmçinin deyib ki, hepatit xəstəliyinin yayılmasının qarşısının alınması məqsədilə Azərbaycanda ümumi qəbul edilmiş bir sıra profilaktik tədbirlər həyata keçirilir. Bu tədbirlərə xəstəxana və tibb müəssisələrində alətlərdən istifadədən əvvəl onların dezinfeksiya olunmasına, birdəfəlik alətlərin istifadəsinə üstünlüyün verilməsinə nəzarət daxildir. Lakin bununla kifayətlənmək olmaz. Gözəllik salonlarında və bu kimi digər obyektlərdə də hepatit xəstəliyinin yayılmaması üçün profilaktik tədbirlər mütləq görülməlidir.

Qeyd edək ki, hazırda C.İsayev Tbilisidə Dünya Səhiyyə Təşkilatının hepatit mövzusuna həsr olunmuş regional konfransında iştirak edir.

Milli.Az

loading...

Şərh yaz:

3 Şərh:

  • Anonim
    Nea · 13 Fevral 16:1211

    SÜDDƏN ÇİXMİŞ AG QAŞİQDİ AZERBAYCANN NE QRİP VAR NE DE DİGER VİRUSLAR)))))))))))))))))

    Cavab yaz
  • Anonim
    SEVİL · 13 Fevral 17:2411

    Əla dedin,Nea)))Belə xəbərlərdə həmişə belə yazılır :Narahatçılığa heç bir səbəb yoxdu,,

    Cavab yaz
  • Anonim
    Süleyman · 13 Fevral 20:3610

    Bu infeksionistdə vicdan deyilən bir şey varmı? Hələ keçən ilin payızında dərc olunan bir rəsmi statistikaya görə bizdə 300 000-ə qədər hepatit xəstəsi var idi. Bu rəsmi rəqəm idi və adətən rəsmi rəqəmlə real vəziyyət arasında böyük fərq olur. Adətən bizdə məmurlar yalan statistika ilə öz iş bacarıqlarını sığortalayırlar.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.