Cəmiyyət

Ekspert qəbul imtahanlarındakı ən böyük yenilik barədə

10 Yanvar 2019 22:27
6 Şərh     Baxış: 920

Ümumi təhsil pilləsində təhsilalanların yekun qiymətləndirilməsi, 9 və 11 illik təhsil bazasında kolleclərə, həmçinin ali təhsil müəssisələrinə tələbə qəbulu qaydalarında nəzərdə tutulan dəyişikliklər təsdiq edilib, amma hələ də "Abituriyent" jurnalı çap edilməyib.

Milli.Az oxu.az-a istinadən bildirir ki, Dövlət İmtahan Mərkəzindən verillən məlumata görə, qaydalarda dəyişikliklər ötən ay təsdiq olunub:

"Abituriyent" jurnalının 1 nömrəli buraxılışı yaxın vaxtlarda çap olunacaq. Hazırda üzərində iş gedir".

Təhsil eksperti Kamran Əsədov bildirib ki, 2019-cu ildə kurikulum standartlarına uyğun olaraq keçiriləcək qəbul və buraxılış imtahanlarının nəticələri ciddi rezonans doğuracaq:

"Bu ildən etibarən ali və orta ixtisas təhsili müəssisələrinə qəbul imtahanlarında tətbiq edilməsi nəzərdə tutulan yeni qaydalar Azərbaycanda həyata keçirilən islahatların məntiqi nəticəsidir. Təhsil Nazirliyinin bu məsələdən kənarda qalması düzgün deyil. Çünki Dövlət İmtahan Mərkəzi keçirdiyi imtahanlarda dövlətin qəbul etdiyi təhsil standartlarını yoxlayır. Amma bu standart Təhsil Nazirliyinə tabe olan orta məktəblərdə reallaşmır".

"2019-cu ilin ən böyük yeniliyi imtahanda xarici dil biliklərinin yoxlanılması zamanı dinləmə tipli test tapşırıqlarının tətbiqi olacaq ki, bu da nəticələrin kəskin şəkildə aşağı düşməsi ilə müşahidə olunacaq. Çünki indiyə qədər Təhsil Nazirliyi bu istiqamətdə heç bir səmərəli iş görməyib, orta məktəblərdə dinləmə qurğuları qurulmayıb", - deyə ekspert qeyd edib.

Milli.Az

loading...

Şərh yaz:

6 Şərh:

  • Anonim
    777 · 10 Yanvar 22:3550

    Buna "Qasiqla verib çömçe ile almaq" deyerler. Bu imtahanlarda usaqlar xeyli stress keçirecekler.

    Cavab yaz
  • Anonim
    Valideyn · 10 Yanvar 23:0040

    Təhsildə olan yenilik Bakıdakı pullu balaları üçündü.beş yaşdan gimnaziyada oxuyan uşaqlar üçün.Qəbulda plan yerlərini onlar doldurar,rayon,kənd balaları da ağzı ayrıq qalar kənarda.......

    Cavab yaz
  • Anonim
    Zəhra · 10 Yanvar 23:1640

    Ay Allah özün bizə köməy ol. Necə çətin olacaq imtahanımız. Bu dinləmə işi çoxx pis oldu. Nəticələr çox aşağı olacaq(((

    Cavab yaz
  • Anonim
    LADY- L · 10 Yanvar 23:5870

    Dovlet Imtahan Merkezi qebul imtahanlarinda ne esasla ingilis dilinden dinleme tipli tapshiriqlari tetbiq elemek isteyir ? Tehsil Nazirliyi bununla bagli mekteblerde hec bir hazirliq gormeyibse niye hansisa bir yuksek selahiyyetli Dovlet Imtahan Merkezine oz iradini bildirmir ??? Bele cixir ki, bu il imtahan veren abituriyentler tecrube obyekti olacaq bunlarcun.

    Cavab yaz
    • Anonim
      Zəhra · 11 Yanvar 07:5020

      Sizin fikirlərinizlə razıyam. Oyuncağıq da bunlara

      Cavab yaz
  • Anonim
    ...ii. · 11 Yanvar 01:5620

    Allah buları bildiyi kimi elesin

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.