Cəmiyyət

Reklam lövhələri yenilənir - VİDEO - FOTO

10 Yanvar 2019 17:32
0 Şərh     Baxış: 426

"Müvəqqəti narahatçıllığa görə üzr istəyirik", "komputer", "pirinter" və bu tip səhvləri paytaxtın istənilən yerlərində görmək olur.

Milli.Az ARB TV-yə istinadən xəbər verir ki, elə səhvlərə görə Dövlət Reklam Agentliyi təkcə ötən il 3500-dən artıq reklamın yayımını dayandırıb.

Hüseyn Azəri - Dövlət Reklam Agentliyinin mətbuat katibi: "Bunların arasında dil normaları pozulan, qanuna cavab verməyən reklamların yayımı dayandırılıb".

Reklamlarla bağlı daha bir yaralı yerimiz isə sosial çarxlardır. Bunları isə, əksinə tapmaq qeyri-mümkündür.

Sakin: "Vətənpərvərlik mövzusunda olmasını istəyərdim".

Sakin: "Əsas kəmiyyət yox, keyfiyyətdir".

Agentlik burada cavabdeh qurumları qınayır. Sosial reklamlar üçün heç bir rüsum yoxdur. Yalnız reklamı verməli olanlar maraq göstərməlidir.

Hüseyn Azəri - Dövlət Reklam Agentliyinin mətbuat katibi: "İctimaiyyət üçün lazım olan informasiyaların daha çox yayımlanmasının tərəfdarıyıq. Sosial çarxların yayımı üçün ölkədə heç bir problem yoxdur. Kimsə bu formada reklam yayımlamaq istəyirsə, müraciət edir və bu reklamlar yayımlanır".

Reklamlarla bağlı müsbət xəbər isə lövhələrlə bağlıdır. Ölkəyə müasir qurğulu lövhələr gətirilib. Artıq onlardan 30-u patyaxtın Neftçilər, Heydər Əliyev prospektləri, Yusif Səfərov, Zərifə Əliyeva və digər küçələrində quraşdırılıb. İstifadəyə yarasızlar isə dəyişdirlib.

Hüseyn Azəri - Dövlət Reklam Agentliyinin mətbuat katibi: "Bu reklam qurğuları sifariş olunarkən paytaxt və bölgələrin iqlim şəraiti nəzərə alınıb. Belə ki, yeni reklam kostruksiyaları küləkli havaya dözümlü olmaqla yanaşı onların led ekranları, şüşələri iqlim şəraitinə davamlıdır".

Dövlət Reklam Agentliyi cari ildə ümumilikdə 240 ədəd yeni reklam lövhəsinin quraşdırılacağını vəd edir. Proses mərhələli şəkildə davam etdiriləcək.

Milli.Az

Videonu izləmək üçün şəklə klikləyin:
Reklam lövhələri yenilənir

Məqaləyə dair fotomateriallar:

loading...

Şərh yaz:

0 Şərh:

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.