Cəmiyyət

“Beyinə qan sızmasına, ürək infarktına yol açır” - Enerjimizi yeyən enerji içkiləri - VİDEO - FOTO

10 Yanvar 2019 18:15
2 Şərh     Baxış: 1 208

Kiçikdən böyüyə hər kəsin həvəslə alıb içdiyi enerji içkilərinin fəsadlarından çoxunun xəbəri yoxdur.

Milli.Az ARB TV-yə istinadən xəbər verir ki, enerji içkiləri tərkibində kofein, taurin, vitaminlər, bitki mənşəli əlavələr, digər dadlandırıcı maddələr olan dözümlülük, fiziki gücü gücləndirən içki kimi qələmə verilir. Amma həkimlər bununla razılaşmırlar.

Röyalə Quluzadə - Həkim: "Ümumiyyətlə, şəkərli insanlar və şəkərli diabetə meyilli insanlar bu içkilərdən qətiyyən istifadə etməməlidirlər. Ürək qan-damar sistemi xəstəliyi olanların da istifadə etməsi doğru deyil. Qısa zamanda arterial təzyiqin qalxmasına səbəb olduğu üçün çox risklidir. Belə ki, beyinə qan sızma, ürək infarktı kimi fəsadlara yol aça bilər".

Sakin: "İçməmişəm, içmək fikrim də yoxdur".

Sakin: "Ziyanlı olduğu deyilir. Qiymətlər də qalxıb, artıq başqa sular içilsə, daha məsləhətli olar".

Sakin: "Bizim vaxtımızda kompot, şirələr vardı. Özümüz çəkib, özümüz içirdik, heç bir xəstəlik də yox idi".

Kofein fiziki olaraq ürək ağrıları riskini artırır. Skelet əzələlərini stimullaşdırır, insulin həssaslığını azaldır. Böyük həcmdə enerji içkisi qəbul edilməsi ciddi fəsadlara, qıcolmalara, insult və qəfil ölümə səbəb ola bilər. Həkimlər hamilə qadın və uşaqların bu içkiləri qəbul etməsini isə qəti qadağan edir.

Röyalə Quluzadə - Həkim: "Ən azından 18 yaşına çatmayanlar istifadə etməsin. Hamilə qadınlarda isə kofeinin istifadəsi bətndaxili qüsurlara gətirib çıxara bilər.

Avropa ölkələrinin artıq qanunvericiliklə də üz çevirdiyi bu içkilərin Azərbaycanda alıcılarının getdikcə artması mütəxəssisləri hərəkətə keçməyə məcbur edib. Qida təhlükəsizliyi İnstitutu əhaliyə müraciət edir:

Aysel Cəlilova - Keyfiyyətə Nəzarət Departamentinin əməkdaşı: "Onların etiket məlumatlarına diqqət yetirsinlər. Tərkib məlumatlarında zərərli maddələrin olub-olmamasına baxsınlar".

Enerji içkiləri spirtli içkilərlə birgə qəbul edilərsə, zəhərlənməyə də səbəb ola bilər. Daha çox enerjili olmaq istəyi insanın qalan ömrünün də enerjisini əlindən ala bilər.

Milli.Az

Videonu izləmək üçün şəklə klikləyin:
Enerjimizi yeyən enerji içkilərinin dəhşətli fəsadları

Məqaləyə dair fotomateriallar:

loading...

Şərh yaz:

2 Şərh:

  • Anonim
    Bakili · 10 Yanvar 18:4212

    Mən şəkərli diabet xəstəsiyəm ama etiraf edirəmki hər gündə olmasa ama hərdən bizon redbul alib icirəm. Ziyanli oldugunu bilə-bilə.

    Cavab yaz
  • Anonim
    Samed dagli · 10 Yanvar 19:5011

    Tezeligce cavan bir tanidigim insan o icgiden dunyasini deyiwdi Vallah oturdugu yerde burnundan qan acilib rehmete getdi(cox heveskari idi gunda en azi 1ni icirdi

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.