Cəmiyyət

“Düzəltdirmişəm, yenidən tökülüb” - Fırıldaqçı ustalar, yoxsa keyfiyyətsiz məhsullar? - VİDEO - FOTO

5 Yanvar 2019 17:20
2 Şərh     Baxış: 1 144

Əksər sürücülər avtomobil hissələrinin baha olması səbəbindən detalları keyfiyyətsiz məhsullarla əvəz edirlər. Ustalar isə sürücülərə xəbərdarlıq edirlər.

Milli.Az ARB TV-yə istinadən xəbər verir ki, ucuz ehtiyat hissələri sürücüləri iki qat ziyana salmaqla yanaşı, həm də sizi canınızdan edə bilər.

Telman Abdullayev - sürücü: "Bir ay öncə "termostat"ı aldım 10 manata. İndi də təzəsini aldım, eyni şeydir. Usta pulunu da hesablasaq, 15 manat edir".

Keyfiyyətli məhsulların qiyməti sürücülər üçün əlçatan deyil. Bu səbəbdən sükan sahibləri əksər hallarda ucuz ehtiyat hissələri alır.

Telman Şükürov - sürücü: "Yolda qalmaq, ustaya gəlib-getmək vaxtımızı alır. Mahiyyəti 10 manata başa gəlirsə, mənə 20, 30 manat ziyan vurur. Maşın yolda xarab olanda evakuator çağırırıqsa, ona da pul veririk. Bunların hamısı xərcdir".

Orijinal olmayan ehtiyat hissələrin sıradan çıxması, sürücü ilə usta arasında anlaşılmazlığa səbəb olur. Sürücü ikiqat xərc çəkirsə, usta keyfiyyətsiz məhsula görə eyni işi bir neçə dəfə görməli olur.

Azər Quliyev - usta: "Vaxt olub ki, yüksək bir məbləğ müqabilində bir işi görmüşəm. Bir neçə gün sonra həmin adam eyni problemə görə gəlib. Eyni işə görə həm müştəri ziyana düşür, həm də mən".

Süleyman Əhmədov - usta: "Bəzi hallar olub ki, "paçebnik"lərin dəyişilib, qapının ağzında yenidən tökülüb. Məsləhət görərdim ki, orijinal ehtiyat hissələri alınsın. Lakin müştərinin imkanı və ya orijinal hissənin mağazada olmaması bizi qeyri-orijinal hissələr istifadə etməyə sövq edir".

Satıcılar da maşının detallarının keyfiyyətinə önəm verməyi tövsiyə edir. Ucuz avadanlıqların tez sıradan çıxması sükan sahiblərini növbəti dəfə xərcə salır.

İmran Mədətov - satıcı: ""Mercedesin" Almaniyadan gələn "şaravoy"u 30, 35 manat arasında olursa, digər ölkələrdən gələn ucuz mallar 10, 15 manat fərq edir. Müştərilər özlərini aldatmasınlar. Təmiz mal istəsinlər. Onlara keyfiyyətli hissələr verilsin ki, həmin malın zəmati də daşınır".

Avtomobilə ehtiyyat hissələri alındıqda usta ilə məsləhət etmək və ya zəmanətli detal almaq məsləhət görülür.

Milli.Az

Videonu izləmək üçün şəklə klikləyin:

"Düzəltdirmişəm, yenidən tökülüb" - Aldadıcı ustalar, yoxsa keyfiyyətsiz məhsullar?

Məqaləyə dair fotomateriallar:

loading...

Şərh yaz:

2 Şərh:

  • Anonim
    miris · 5 Yanvar 18:0200

    Keyfiyetsiz mehsullar.zara gelmisik artiq

    Cavab yaz
  • Anonim
    Romka · 5 Yanvar 18:2700

    Ustalarda az deyil. Mashenikler ve tecrubesiz ustlar

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.