Cəmiyyət

Yerdə bardaş qurub qidalananda orqanizmdə hansı proseslər gedir?

15 Dekabr 2018 23:22
1 Şərh     Baxış: 2 860
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Qədim dövrlərdə ata-babalarımız yerdə süfrə açıb, bardaş quraraq yemək yeyirdilər. Bu ənənə indi də bəzi rayonlarda qalmaqdadır. Lakin müasir insan yeməyini stolda, yaxud da tez olması üçün ayaqüstdə yeyir.

Bəs görəsən orqanizm üçün hansı daha xeyirlidir?

Milli.Az medicina.az-a istinadən bildirir ki, müasir zamanın ritmik olması səbəbindən bir çoxları qidalanma prosesini boş vaxtına salır, yolda, maşında, ayaqüstündə fast-food-la yola verirlər. Amma bu hal insanın fiziki olduğu kimi, psixoloji sağlamlığı üçün də çox ziyandır. Alimlər nəinki ayaqüstə, hətta stulda oturaraq yemək yeməyin sağlamlığa ziyan olduğunu vurğulayır. Onların fikrincə, ən yaxşı qidalanma forması qədim insanların etdiyi kimi yerdə oturmaqdır.

İnsan yerdə oturarkən ayaqlarını çarpazalaşdırır. Bu isə yoqa təliminin ən vacib elementlərindən biridir. Yerdə oturarkən o, boşqabdan yemək götürmək üçün bədənini qabağa əyir. Bu hərəkət forması qarın əzələlərini aktivləşdirərək mədə şirəsinin sintezinə səbəb olur. Nəticədə çanaq və kürək əzələləri dartılır və ağrı hissi azalır. Yemək yeyərkən bardaş qurub oturan zaman qan dövranı da yaxşılaşır. Ayaq üstündə yemək yeyən zaman insan özünü dik saxlamağa məcbur olduğu üçün onurğaya ciddi yük düşür. Bu zaman insan həm də həddindən artıq yeyə bilər. Nəticədə piylənmə riski artmış olur.

Fiziki problemlərdən əlavə tez və ayaqüstü qidalanma insanın psixologiyasına da mənfi təsir edir. Ənənəvi yemək mərasiminin olmaması insanları ailədən və dostlarından uazaqlaşdırır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.