Cəmiyyət

BP-nin vitse-prezidenti Bəxtiyar Aslanbəyli Bakı Ali Neft Məktəbində master klass keçdi - FOTO

14 Dekabr 2018 10:57
Baxış: 1 105
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

BP-nin Azərbaycan, Gürcüstan və Türkiyə (AGT) regionu üzrə Əlaqələr, xarici işlər və strategiya üzrə vitse prezidenti Bəxtiyar Aslanbəyli Bakı Ali Neft Məktəbinin (BANM) və BP şirkətinin birgə təşkilatçılığı ilə keçirilən "Mühəndislər üçün biznes təhsili" layihəsinin iştirakçıları üçün master klass keçib.

Milli.Az bildirir ki, o, gələcəyin mühəndislərinə neft-qaz, enerji geosiyasətindən danışıb, bu istiqamətdə Azərbaycanın yaxın ölkələrlə olan münasibətlərinin analizini verib. Master-klass zamanı Bəxtiyar Aslanbəyli, həmçinin tələbələrə Azərbaycanın neft-qaz sektoruna qoyulan investisiyalardan, enerji
bazarlarının diversifikasiyasından bəhs edib, neft və qaz bizneslərinin fərqini açıqlayıb.

Master klasın sonunda Vitse-prezident tələbələrin çoxsaylı suallarını cavablandırıb, həmçinin müxtəlif fikir mübadiləsi aparıb. 

Qeyd edək ki, BANM-da həyata keçirilən "Mühəndislər üçün biznes təhsili" layihəsinə qoşulmaq üçün ölkənin bir çox universitetində mühəndislik üzrə təhsil alan tələbələrin müraciəti əsasında seçim edilmişdir. Seçim prosesindən uğurla keçən tələbələrə Təqdimat və kommunikasiya bacarığı, Layihələrin idarə edilməsi, Vaxtın idarə edilməsi və effektivlilik, Liderlik, Risklərin idarə edilməsi, Maliyyənin əsasları: Büdcə və xərclərə nəzarət, İnsan resurslarının idarə olunması kimi təlimlər keçirilmişdir.

Milli.Az
 

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.