Cəmiyyət

Fransa şirkətinin BTQ üçün istehsal etdiyi ilk yük lokomotivi Azərbaycana nə vaxt gətiriləcək?

7 Dekabr 2018 07:52
Baxış: 1 282

Fransa şirkətinin Bakı-Tbilisi-Qars (BTQ) dəmiryolu xətti üçün istehsal etdiyi ilk yük lokomotivinin Azərbaycana gətirilməsinin dəqiq vaxtı məlum olub.

Milli.Az xəbər verir ki, "Azərbaycan Dəmir Yolları" (ADY) Qapalı Səhmdar Cəmiyyətindən Trend-ə bildirilib ki, yük lokomotivi yaxın günlərdə ölkəyə gətiriləcək:

"Son vaxtlar Azərbaycan Dəmir Yollarının lokomotiv parkının yenilənməsi istiqamətində də mühüm addımlar atılır. "Azərbaycan Dəmir Yolları" QSC ilə Fransanın "Alstom Transportation S.A." şirkəti arasında 12 may 2014-cü il tarixdə bağlanmış müqaviləyə əsasən, ADY "Alstom" şirkətinin istehsalı olan 50 ədəd dəyişən cərəyanla işləyən yük lokomotivinin alınmasını planlaşdırır".

Qeyd olunub ki, 2018-ci il iyunun 25-də Qazaxıstanın "Astana" xüsusi iqtisadi zonasının ərazisində yerləşən EKZ zavodunda "Alstom Transportation S.A." şirkətinin Azərbaycan üçün istehsal etdiyi ilk yük lokomotivinin - Prima T8-in (AZ8A) təqdimat mərasimi keçirilib: "Birinci yük lokomotivinin bu ilin sonu - gələn ilin əvvəllərində Azərbaycana gətirilməsi nəzərdə tutulur".

Bundan əvvəl "Alstom" şirkətindən Trend-ə bildirmişdilər ki, ilk yük lokomotivi bu il dekabrın ikinci yarısında Azərbaycana gətiriləcək. 2019-cu ilin fevralında ilk AZ8A lokomotivi test rejimində Gəncə və Böyük Kəsik stansiyaları arasında xəttə buraxılacaq.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.