Cəmiyyət

Eldar Əzizov: "Kanalizasiya sisteminin olmaması sürüşmənin səbəblərindən biridir"

13 Oktyabr 2018 11:41
4 Şərh     Baxış: 731

Ekspertlər Badamdar yolunda sürüşmənin səbəbini araşdırır, amma deyərdim ki, bu ərazidə kanalizasiya sisteminin olmaması səbəblərdən biridir.

Milli.Az Trend-ə istinadən bildirir ki, bunu sürüşmə zonasında olan Bakı şəhər İcra Hakimiyyəti başçısının birinci müavini Eldar Əzizov deyib.

O bildirib ki, hətta burada yaşayış olmayan zaman, XVIII əsrdə də sürüşmələr qeydə alınıb: "İnsanların fəaliyyəti sürüşmə prosesin sürətlənməsinə təkan verib. Bu sürüşməni yalnız kanalizasiya sisteminin olmaması ilə bağlamaq olmaz. Ekspertlər araşdırıb rəy bildirəcəklər. Hər halda bugünkü vəziyyət təhlükəlidir, ekspertlərin rəyi olduqdan sonra dəqiq nəsə deyə bilərik".

E.Əzizov vurğulayıb ki, bütün təhlükəsizlik tədbirləri görülür: "Gördüyünüz kimi, rayon və şəhər icra hakimiyyətlərinin, Nazirlər Kabinetinin və digər müvafiq qurumların nümayəndələri buradadır, postlar qurulub, proses müşahidə edilir".

Şəhər İcra Hakimiyyəti başçısının birinci müavini deyib ki, hazırda sürüşmə prosesi aktivdir. O, həmin ərazidə olan tikililərə də münasibət bildirib: "Bu tikililər yeni deyil. Hər halda o vaxt tikintiyə icazə verən şəxslər də məsuliyyət daşımalıdırlar. Onlar gərək götür-qoy edərdilər ki, burada tikinti işləri aparmaq olar, ya yox. Çünki burada həmişə sürüşmə olub, buranın landşaftı belədir".

Qeyd edək ki, hazırda Səbail rayonu, Badamdar şosesində (Badamdar - 20-ci sahəni birləşdirən yol) torpaq qatı asfaltın üstünə qədər gəlib. Sürüşən torpaq qatının eni 250, uzunluğu 200, hündürlüyü isə 15 metrdən artıqdır. Sürüşmənin dinamikasında aktivlik davam edir.

Xatırladaq ki, ötən gün günorta saatlarında Bakının Badamdar qəsəbəsindən 20-ci sahəyə gedən yolun kənarındakı yamacda sürüşmə aktivləşib. Hadisə nəticəsində həmin yolda hərəkət məhdudlaşdırılıb və yamacda yerləşən 8 fərdi yaşayış evinin sahiblərinə evləri müvəqqəti boşaltmaq tapşırılıb.

Milli.Az 

loading...

Şərh yaz:

4 Şərh:

  • Anonim
    melik · 13 Oktyabr 12:5402

    Eldar muellime esq olsun

    Cavab yaz
  • Anonim
    $.$.$. · 13 Oktyabr 13:1800

    Bu insanlar nə qədər ki qəza baş verməyib köcurulməlidir.

    Cavab yaz
  • Anonim
    Elshan · 13 Oktyabr 17:5900

    Insanlara tehlukeli yerlerde ish gormeye bes nece "icaze" verilib??? Eldar m. bu suali cavablar yeqin...

    Cavab yaz
    • Anonim
      $.$.$. · 13 Oktyabr 18:5800

      Elshana Eldar muəlimin cavabı: Mən bu icazələri verməmişəm. Kimlər verib cəzalanacaq! İnsanların həyatı ilə oynamaq olmaz. Bu insanlar tez bir zamanda köcurulməlidirlər.

      Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.