Cəmiyyət

İsveçdəki seçkilərdə daha bir soydaşımız qələbə qazanıb

11 Sentyabr 2018 12:49
2 Şərh     Baxış: 1 450

İsveçdə yaşayan soydaşımız Turan Əliyev "Mərkəz" Partiyasından Partille bələdiyyəsinə üzv seçilib.

Bu barədə məlumatı Milli.Az-a diaspor üzrə araşdırmaçı-jurnalist Elnur Eltürk verib.

"Turan Əliyev bir ildir ki, partiyada fəaliyyət göstərir. Hal-hazırda bələdiyyədə partiyanın idarə heyətinin üzvüdür. Seçkilərdə yüksək səs coxluğu ilə seçildiyi üçün bələdiyyədə və İsveçin ən böyük əyalətində komissiya və idarələrdə partiyanı təmsil edəcək. Qürurverici məqam odur ki, partiyanın 12 nəfərlik namizədlərindən yalnız Turan Əliyev bir əcnəbi kimi seçkilərə gedib".

Hal-hazırda İsveçdə 290 bələdiyyə var. Partiller bələdiyyəsində 51 üzv var. Onların hər biri səsvermə hüququna malikdir. Turan Əliyev də səsvermə hüququnu özündə daşıyacaq və qərarların qəbul olunmasında iştirak edəcək.

Qeyd edək ki, İsveçdə bələdiyyələrin cəmiyyətdə rolu böyükdür və qərarların qəbul olunmasında kifayyət qədər təsir imkanları var.

Turan Əliyev 1983-cü ildə Naxçıvanda anadan olub. 2004-cü ildə Naxçıvan Dövlət Universitetinin Yol hərəkətinin təşkili fakültəsini bitirib. Universiteti bitirəndən sonra İsveçə köçüb.

Milli.Az

Şərh yaz:

2 Şərh:

  • Anonim
    Sadə · 11 Sentyabr 2018 13:2200

    Ugurlariniza sevinirik

    Cavab yaz
  • Anonim
    kate · 11 Sentyabr 2018 14:4400

    Normal haldir. Burda olsaydi spiker olardi. :) Uğurlar qardaş yolun açıq olsun necə ki açılıb.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.