Cəmiyyət

Azərbaycan ilk dəfə Fransada Beynəlxalq Animasiya Filmləri Festivalında təmsil olunub - FOTO

19 İyun 2018 16:48
0 Şərh     Baxış: 897
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Fransanın Ansi şəhərində Beynəlxalq Animasiya Festivalı baş tutub.

Bu animasiya dünyasının ən böyük hadisəsidir və hər il Alp dağları ilə əhatə olunmuş, Ansi gölünün sahilində yerləşən, Fransanın mənzərəli şəhərciyində keçirilir. Hər il festivala 10 000-ə yaxın animasiya kinosu mütəxəssisi və həvəskarları yığışır.

Milli.Az-ın Trend-ə istinadən məlumatına görə, bu il Azərbaycan ilk dəfə Ansi Festivalında təmsil olunub.

I Bakı Beynəlxalq Animasiya Festivalı "ANİMAFİLM"in təsisçisi və direktoru Rəşid Ağamalıyev Azərbaycanı bu cür mötəbər tədbirdə təmsil etməkdən qürur duyduğunu deyib:

"Müsabiqə proqramı ilə paralel olaraq festivalda "Marché international du film d'animation" (MIFA - Beynəlxalq Animasiya Filmləri Bazarı) fəaliyyət göstərir, bu isə Avropada animasiya sahəsində ən nəhəng kommersiya layihəsidir. Biz bu bazarda Azərbaycanı, xüsusilə 19-21 oktyabr tarixlərində Bakı şəhərində keçiriləcək "ANİMAFİLM" I Bakı Beynəlxalq Animasiya Festivalı, həmçinin "Azərbaycan animasiyası" kitabı layihələrini təqdim etdik. Çoxsaylı studiya və animasiya təşkilatları bu layihələrlə maraqlandılar və biz hazırda onlarla əməkdaşlıq haqqında danışıqlar aparırıq".

Azərbaycan MIFA-da CEE ANIMATION (Mərkəzi və Şərqi Avropa Animasiyası) təşkilatının dəstəyi ilə təmsil olunub. Xatırladaq ki, təşkilat Mərkəzi və Şərqi Avropada animasiya sənətinin inkişafını dəstəkləyir, Çexiya, Macarıstan, Bolqarıstan, Gürcüstan və s. kimi olkələri özündə birləşdirir.

R.Ağamalıyev bildirib ki, Azərbaycana, ilk növbədə, Mərkəzi və Şərqi Avropa animasiya sənayesi ilə birləşmək lazımdır:

"Bunun üçün animasiya filmlərinin istehsalı və yayımını dəstəkləyən Avropa Birliyinin MEDIA Creative Europe ("MEDİA, Yenilikçi Avropa") proqramına qoşulması çox vacibdir. Bizə milli animasiyanı dəstəkləmək lazımdır, axı o balalarımızın gələcəyidir".

Milli.Az

Məqaləyə dair fotomateriallar:

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.