Cəmiyyət

Ədliyyə Akademiyasında Azərbaycan Xalq Cümhuriyyətinin 100 illiyinə həsr olunmuş konfrans keçirilib

25 May 2018 23:55
Baxış: 1 064
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Ədliyyə Nazirliyinin Ədliyyə Akademiyasında "Müstəqil Azərbaycan Azərbaycan Xalq Cümhuriyyətinin varisidir" mövzusunda elmi-praktiki konfrans keçirilib.

Milli.Az Trend-ə istinadən bildirir ki, hüquqşünas alimlərin, tarixçilərin, elm və tədris müəssisələrinin, vətəndaş cəmiyyətinin və media nümayəndələrinin iştirakı ilə keçirilən konfransı ədliyyə nazirinin müavini Azər Cəfərov açaraq xalqımızın çoxəsrlik dövlətçilik tarixində Azərbaycan Xalq Cümhuriyyətinin rolundan və mühüm xidmətlərindən bəhs edib.

Bildirilib ki, Azərbaycan Xalq Cümhuriyyətinin fəaliyyəti dövründə bir çox tarixi qərarlar qəbul olunub, dövlət atributları müəyyən edilib, ana dili dövlət dili elan olunub, vətəndaşlara bərabər hüquqlar, o cümlədən qadınlara seçki hüququ verilib, hüquq sistemi yaradılaraq Ədliyyə Nazirliyi təsis edilib, məhkəmə və istintaq orqanlarının, prokurorluğun fəaliyyəti bərpa olunub. Azərbaycanın müstəqil dövlət kimi tanınması, digər dövlətlərlə əlaqələrin qurulması Cümhuriyyətin böyük uğurlarından biri olduğu qeyd edilib.

Tədbirdə müstəqilliyini yenidən bərpa edən xalqımızın ümummilli lider Heydər Əliyevin xilaskarlıq missiyası ilə Xalq Cümhuriyyətinin varisi olan müasir Azərbaycan dövlətini qurduğu, ulu öndərin müəyyən etdiyi dövlətçilik amallarının Prezident İlham Əliyev tərəfindən uğurla həyata keçirilərək ölkəmizin son illər əldə etdiyi nailiyyətlərlə çağdaş tariximizin yeni zəngin səhifələrinin yazıldığı xüsusi vurğulanıb.

Konfransda, həmçinin Şərqdə ilk demokratik parlamentli respublika olan Azərbaycan Xalq Cümhuriyyətinin tarixinin ayrı-ayrı məqamları üzrə dolğun və elmi təhlillərə əsaslanan mövzularda çıxışlar edilib, xalqımızın istiqlal yolu və müstəqillik amallarının gerçəkləşməsi, cümhuriyyət ənənələrinin yaşadılması, indiki və gələcək nəsillərə aşılanması, iki illik fəaliyyəti dövründə demokratik dövlət quruculuğu, qanunvericilik, ədliyyə və digər mühüm sahələrdə xidmətləri, ictimai təşkilatların fəaliyyətinin hüquqi əsasları və digər məruzələr dinlənilib, faydalı müzakirələr aparılıb.

Yubiley ərəfəsində ədliyyə orqanlarında yığıncaqlar, dəyirmi masalar keçirilir, Akademiyada ixtisasartırma kurslarında xüsusi mövzular tədris edilir. Eyni zamanda, ədliyyə işçiləri və hakimlər tərəfindən mətbuatda çıxışlar edilib, gənc əməkdaşlar ölkədə fəaliyyət göstərən tarix muzeyləri ilə tanış olub, nazirliyin muzeyləri Xalq Cümhuriyyəti dövrünə, o cümlədən ədliyyə tarixinə dair yeni arxiv materialları ilə zənginləşdirilib. Hüquqi sahədə beynəlxalq əlaqələri əks etdirən xüsusi ekspozisiyalardan ibarət stendlər yaradılıb, kinozalda sənədli filmlər, eləcə də foto-slaydlar nümayiş etdirilir, nazirliyin mətbu nəşrlərində yubileyə həsr olunan materiallar dərc olunur.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.